मोठी बातमी... दर्शन घेण्याचा सर्वांना अधिकार, वारकऱ्यांच्या सोयीत हलगर्जीपणा झाल्यास कोणाचीही गय करणार नाही; मुख्यमंत्री शिंदे यांचा इशारा

मोठी बातमी... दर्शन घेण्याचा सर्वांना अधिकार,

वारकऱ्यांच्या सोयीत हलगर्जीपणा झाल्यास कोणाचीही गय करणार नाही; मुख्यमंत्री शिंदे यांचा इशारा 

पंढरपूर आषाढी यात्रेदरम्यान भाविकांना सर्व सुविधा पुरवा. यात हलगर्जीपणा झाल्यास कोणाचीही गय केली जाणार नाही, असा इशारा मुख्यमंत्री एकनाथ शिंदे यांनी पंढरपुरात दिला.

मुख्यमंत्री शिंदे आषाढीच्या चार दिवस आधी पंढरीत पाहणीसाठी आले होते. विठ्ठलाच्या दर्शनासाठी भाविकांना रांगेत थांबण्यासाठी बनवलेले पत्राशेड, शेगाव दुमाला (ता. पंढरपूर) येथील ६५ एकर परिसराची मुख्यमंत्री एकनाथ शिंदे यांनी पाहणी केली.

यावेळी त्यांच्यासमवेत राज्याचे मंत्री गिरीश महाजन, शिवसेनेचे जिल्हाध्यक्ष अमोल शिंदे, शिवाजी शिंदे, आ.समाधान आवताडे, राजू खरे, भैरवनाथ शुगर कारखान्याचे अध्यक्ष अनिल सावंत, श्याम गोगाव,

जिल्हाधिकारी मिलिंद शंभरकर, जिल्हा पोलिस अधीक्षक शिरीष सरदेशपांडे, मंदिर समितीचे अध्यक्ष गहिनीनाथ महाराज औसेकर, अतिरिक्त जिल्हाधिकारी तुषार ठोंबरे, प्रांताधिकारी गजानन गुरव उपस्थित होते.

दर्शन घेण्याचा सर्वांना अधिकार

पंढरपुरात प्रत्येक विठ्ठलभक्ताला दर्शन घेण्याचा अधिकार आहे. विठुराया सर्वांचा आहे,

 असे सांगत तेलंगणाचे मुख्यमंत्री के. चंद्रशेखर राव आणि त्यांच्या मंत्रिमंडळाच्या संभाव्य पंढरपूर दौयाबाबत मुख्यमंत्र्यांनी प्रतिक्रिया दिली.