सांगोला येथील शिवाजी पॉलिटेक्निकमध्ये थेट द्वितीय वर्ष अभियांत्रिकी पदविका प्रवेश प्रक्रियेस सुरुवात

 सांगोला येथील शिवाजी पॉलिटेक्निकमध्ये थेट द्वितीय वर्ष अभियांत्रिकी पदविका प्रवेश प्रक्रियेस सुरुवात 

सांगोला(शब्दरेखा एक्सप्रेस न्यूज नेटवर्क सांगोला) :

सांगोला येथील शिवाजी पॉलिटेक्निक कॉलेजमध्ये शैक्षणिक वर्ष २०२३-२४ मधील थेट द्वितीय वर्ष अभियांत्रिकी पदविका प्रवेश प्रक्रियेस

 दि.१२ जून पासून सुरुवात झाली असल्याची माहिती संस्थेचे अध्यक्ष बी.आर.गायकवाड व कॉलेजचे प्राचार्य डॉ.आर.ए.देशमुख यांनी दिली.

थेट द्वितीय वर्ष प्रवेश प्रक्रियेसाठी सुविधा केंद्र (६४७१) ला मान्यता मिळाली असून सोमवार दि.१२ जून २०२३ पासून ऑनलाइन प्रवेश अर्ज भरणे,कागदपत्रे पडताळणी व अर्ज निश्चिती या प्रक्रिया सुरु झाल्या आहेत.

बारावी सायन्स उत्तीर्ण विद्यार्थी,ज्यांचा पीसीएम व पीसीबी यापैकी एक किंवा दोन्ही ग्रुप असणारे तसेच आयटीआय उत्तीर्ण विद्यार्थी अभियांत्रिकी पदविकेच्या थेट द्वितीय वर्षास प्रवेश घेऊ शकतात. 

त्यासाठी कोणत्याही प्रकारच्या सीईटी परीक्षेची आवश्यकता नाही.प्रवेश प्रक्रियेसाठी विद्यार्थी हे दि.१२-६-२०२३ ते ३-७- २०२३ या कालावधीत 

महाराष्ट्र राज्य तंत्र शिक्षण मंडळाच्या संकेत स्थळावरुन अर्ज छाननीची योग्य पध्दत निवडून ऑनलाइन नोंदणी करणे,

 कागदपत्रांच्या स्कॅन छायाप्रती अपलोड करणे तसेच आपल्या प्रवर्गासाठी कागदपत्रांची पडताळणी करुन आपला

 प्रवेश अर्ज निश्चित करु शकतात. दि.५-७-२०२३ रोजी मंडळाच्या संकेतस्थळावर तात्पुरत्या गुणवत्ता याद्या प्रदर्शित करण्यात येतील.

 विद्यार्थी त्यांच्या प्रवेश अर्जात कांही त्रुटी असल्यास दि.६ जून ते ९ जून २०२३ यादरम्यान दुरुस्त्या करून घेऊ शकतात. मंडळाच्या संकेतस्थळावर दि.११-७-२०२३रोजी अंतिम गुणवत्ता याद्या प्रदर्शित करण्यात येतील.

          सांगोला,जत,मंगळवेढा तालुक्यातील व ग्रामीण भागातील विद्यार्थी व पालक यांच्यासाठी थेट द्वितीय वर्ष डिप्लोमा इंजिनिअरिंगच्या प्रवेश प्रक्रियेचे मार्गदर्शन,संबंधित कागदपत्रे जमविताना येणाऱ्या अडचणी व शंका याबाबत 

मार्गदर्शन करण्यासाठी शिवाजी पॉलिटेक्निक कॉलेज, सांगोला येथे सुविधा केंद्र असून याचा फायदा पालकांनी घ्यावा,असे आवाहन संस्थेचे अध्यक्ष बी.आर.गायकवाड यांनी केले आहे. 

सन २०२३-२४ च्या थेट द्वितीय वर्ष अभियांत्रिकी पदविका प्रवेश प्रक्रियेसाठी शिवाजी पॉलिटेक्निक कॉलेज मधील सुविधा केंद्रातील सर्व यंत्रणा सज्ज असून विद्यार्थ्यांनी व 

पालकांनी प्रवेशासंबंधी अधिक माहितीसाठी सुविधा केंद्र प्रमुख प्रा.एस.एस.कुलकर्णी यांच्याशी संपर्क साधावा,असे आवाहन प्राचार्य डॉ.आर.ए.देशमुख यांनी केले आहे.