खळबळजनक घटना...१० वाजले, लेक-नात उठले नाही, बघतात तर बेडरुमध्ये दोघीही… बापाचा हृदय पिळवटणारा आक्रोश

 खळबळजनक घटना...१० वाजले, लेक-नात उठले नाही, बघतात तर बेडरुमध्ये दोघीही… बापाचा हृदय पिळवटणारा आक्रोश

बुटीबोरीमध्ये शिक्षिका असलेल्याने आईने तिच्या मुलीसह कीटकनाशक प्राशन करून आत्महत्या केल्याची घटना घडली आहे. ही घटना बुटीबोरी पोलीस ठाण्याच्या हद्दीतील ओम साईनगर येथील प्रभाग क्रमांक ७ मध्ये रविवारी (२१ मे) सकाळी साडेदहाच्या सुमारास उघडकीस आली.

चेतना शिरीष भक्ते (वय ३५) आणि हर्षिका उर्फ छवी शिरीष भक्ते (वय ११) अशी मृत मायलेकींची नावे आहेत. मृत चेतनाचे पतीशी पटत नसल्याने ती आपल्या मुलीसह वडिलांच्या घरी राहत होती. उदरनिर्वाहासाठी ती परिसरातील एका खासगी शाळेत शिक्षिका म्हणून काम करत होती. 

शनिवारी रात्री जेवण करून ती झोपण्यासाठी तिच्या खोलीत गेली. दरम्यान, रविवारी सकाळी १० वाजेनंतरही मुलगी आणि नात न उठल्याने वडील दिनेश गुरवे त्यांना उठवण्यासाठी गेले. खोलीचा दरवाजा ठोठावल्यानंतरही आतून प्रतिसाद आला नाही.

त्यानंतर शेजारील भाडेकरूच्या खोलीतून मुलीच्या खोलीत गेले असता मुलीने आत्महत्या केल्याचे त्यांना समजले. मुलगी आणि नात यांना मृतावस्थेत पाहताच वडिलांनी हंबरडा फोडला. त्यांनी आरडाओरड करताच सगळे धावून आले, त्यांनी मुलाला बोलावून घेतले.

घटनेची माहिती मिळताच पोलिसांनीही घटनास्थळ गाठलं. त्यानंतर पोलिसांनी पंचनामा करुन मृत चेतनाचा मृतदेह शवविच्छेदनासाठी पाठवला. तसेच मुलगी छावीची प्रकृती चिंताजनक असल्याने तिला तातडीने बुटीबोरी येथील खासगी रुग्णालयात नेण्यात आले. 

मात्र, तिची परिस्थिती पाहता डॉक्टरांनी तिला नागपूर येथील खासगी रुग्णालयात पाठवलं. पण, सारे प्रयत्न निष्फळ ठरले आणि उपचारादरम्यान छवीचा मृत्यू झाला.