मुख्यमंत्र्याना घतली दखल आमदार शहाजीबापू पाटील याचा पत्रव्यवहार टेंभू उपसा सिंचन योजनेतून ४०० क्युसेक विसर्ग पाणी माण नदीत सोडून बंधारे भरून देणार

 मुख्यमंत्र्याना घतली दखल आमदार शहाजीबापू पाटील याचा पत्रव्यवहार टेंभू उपसा सिंचन

योजनेतून ४०० क्युसेक विसर्ग पाणी माण नदीत सोडून बंधारे भरून देणार 

सांगोला : टेंभू उपसा सिंचन योजनेतून आटपाडी तलावाच्या सांडव्यावरून ४०० क्युसेक विसर्गाने पाणी माण नदीत सोडले जाणार आहे. नदीवरील बलवडीपासून ते मेथवडेपर्यंत बंधारे पाण्याने भरून दिले जाणार असल्याची माहिती कार्यकारी अभियंता राजन रेडियार यांनी दिली.

ऐन उन्हाळ्यात माण नदीवरील बंधारे कोरडे पडल्याने उभी पिके व फळबागा पाण्याअभावी जुळू लागल्या होत्या. लाभधारक शेतकऱ्यांनी आमदार शहाजीबापू पाटील यांच्याकडे टेंभू योजनेतून माण नदीत पाणी सोडून बंधारे भरून देण्याची मागणी केली होती.

 त्यासंदर्भात आ.पाटील यांनी टेंभू उपसा सिंचन प्रकल्प अधिकारी व शेतकरी यांच्यासमवेत बैठक घेतली होती. आमदार पाटील यांनी जनावरे व माणसांना, शेती व फळपिकांसाठी टेंभू म्हैसाळ योजनेतून माण, कोरडा बेलवण नद्यात पाणी उपलब्ध करून द्यावे, अशीमागणी मुख्यमंत्री एकनाथ शिंदे यांच्याकडे केली होती.

जिल्हाधिकारी यांनाही ३ मे रोजी पत्र दिले होते. मुख्यमंत्र्यांनी आ. पाटील यांच्या पत्राची दखल घेऊन जिल्हाधिकारी यांना तातडीने पुढील कार्यवाही करावी, अशा सूचना केल्याहोत्या. सांगोला तालुक्यातील ४५ गावांतील पाणीटंचाई दूर करण्यासाठी अधीक्षक अभियंता सांगली पाटबंधारे मंडळ, सांगली व कार्यकारी अभियंता टेंभू सिंचन प्रकल्प व्यवस्थापन ओगलेवाडी यांच्याशी पत्रव्यवहार केला होता.

दरम्यान येत्या दोन दिवसांत आटपाडी तलावातून ४०० क्युसेक विसर्गाने माण नदीत पाणी सोडले जाणार आहे. मागील दोन-तीन वर्षांपासून माण नदीवरील लाभधारक शेतकऱ्यांनी पाणीपट्टी बिले भरली नाहीत. सुमारे १ कोटी ७५ लाख रुपये पाणीपट्टीची थकबाकी प्रलंबित आहे. संबंधित ग्रामपंचायत व लाभधारक शेतकयांनी पाणीपट्टी भरली तरच बंधायाला बर्गे (दरवाजे टाकले जाणार आहेत..

- सुशीलकुमार गायकवाड,

उपअभियंता

जिल्हाधिकारी सोलापूर व भू उपसा सिंचन प्रकल्प व्यवस्थापनाने तातडीने माण नदीत पाणी सोडण्याचा घेतलेला निर्णय स्वागतार्ह आहे. यामुळे परिसरातील शेतकयाची सोय होणार आहे. पिकांनाही यांचा फायदा होईल.