सांगोला सामाजिक वन विभागाचा मनमानी कारभार वृक्ष संगोपन व संवर्धनाकडे दुर्लक्ष कमी पाणी घातल्यामुळे अनेक झाडे नष्ट :

सांगोला  सामाजिक वन विभागाचा मनमानी कारभार वृक्ष संगोपन व संवर्धनाकडे दुर्लक्ष कमी पाणी घातल्यामुळे अनेक झाडे नष्ट :

सांगोला : सामाजिक वन विभागाच्या वतीने अनेक गावांत झाडे लावण्यात आली आहेत. यासाठी गायरान जागेवर ही लागवड करण्यात आली आहे. यासाठी जी लागवड केली आहे, त्यापैकी अनेक झाडे विविध कारणांनी नष्ट झाली आहेत. परंतु, यासाठी आलेला निधी जेवढी पहिल्यांदा झाडे लावली आहेत,

 याप्रमाणेच खर्च करून निधीचा अपहार केला जातो. तसेच पाण्याच्या खेपांमध्ये तफावत करून प्रतिझाड १५ ते २० लिटर पाणी घालणे गरजेचे असताना यामध्ये काटछाट करुन कमी पाणी घातल्यामुळे अनेक झाडे पाण्याअभावी जळून खाक झाली आहेत.

या क्षेत्रात असणाऱ्या सर्व झाडांची खुरपणी करणे, खत घालणे, मातीची भर देणे अशी विविध कामे करणे वेळा- पत्रकाप्रमाणे करणे गरजेचे आहे. असेअसताना ही कामे केल्याचे फक्त कागदोपत्री दिसत आहे. तसेच संपूर्ण क्षेत्रात पाहणी केली असता फक्त दर्शनी भागातील खुरपणी केल्याचे दिसून येते. 

या वनक्षेत्रात उन्हाळ्यात जाळरेषाकाढणे गरजेचे असताना याकडे दुर्लक्ष केले आहे. जर भविष्यात वणवा लागला तर याची जबाबदारी कोण घेणार, असा प्रश्न निर्माण होत आहे. परंतु, सामाजिक वन विभाग फक्तमलिदा खाण्यासाठी धडपड करत आहे. या क्षेत्रात गवत काढले जात नाही किंवा पाण्याची सोय केली जात नाही.

 अशा- प्रकारे मनमानी कारभार सुरू आहे. वरिष्ठ याकडे डोळेझाक करत आहेत.बागलवाडी, जुनोनी, घेरडी, वाणी चिंचाळे या भागात वनीकरणामधील झाडे सांभाळणे, जगवणे व त्यांची मशागत करणे याची कामे चालू आहेत. नवीन कोणतेही काम नाही. किती झाडे जगली आहेत, हे निश्चित सांगता येत नाही. यासाठी ऑफिसला येऊन माहिती घ्यावी.

- मारुती मुंडकर वनपाल, सांगोला

शासन वृक्ष लागवडीसाठी लाखो रुपये खर्च करते, परंतु अधिकारी मनमानी कारभार करून झाडांना पाणी कमी देणे, खुरपणी, आळी करणे, मातीची भर देणे ही कामे टाळतात व यातून भरमसाठ पैसे कमवतात. तसेच या क्षेत्राला कधीतरी भेट देतात.

भारत गायकवाडया लागवडीविषयी लोकप्रतिनिधींनी माहिती विचारली असता ती दिली जात नाही. तसेच सामाजिक वन विभागाच्या वतीने अनेक गावांत झाडेलागवड करण्यासाठी ठराव घेण्यात आले आहेत. त्याचे काय झाले, याविषयी कोणतेही समाधानकारक उत्तर मिळत नाही.