सांगोला तहसिल कार्यालयासमोरील नगरपरिषदेचे शॉपिंग सेंटरची दुर्दशा नगरपालिका प्रशासनाचे दुर्लक्ष

 सांगोला तहसिल कार्यालयासमोरील नगरपरिषदेचे शॉपिंग सेंटरची दुर्दशा

नगरपालिका प्रशासनाचे दुर्लक्ष 

सांगोला/प्रतिनिधीः(शब्दरेखा एक्सप्रेस न्यूज नेटवर्क) सांगोला तहसिल कार्यालय समोरील असणार्‍या नगरपरिषदेच्या मालकीच्या असणारे 

शॉपिंग सेंटरची अत्यंत वाईट दुर्दशा झाली असून याकडे मात्र नगरपालिका प्रशासन व आरोग्य विभाग मात्र कानाडोळा करीत आहे.

 या शॉपिंग सेंटरमध्ये मोठ्या प्रमाणात गाळेधारक असून यांच्याकडून नगरपालिका प्रशासन मोठ्या प्रमाणात 

कर रूपात भाडे आकारात असून मात्र या गाळेधारकांना योग्य त्या सोयीसुविधा पुरविणे नगरपालिकेचे कर्तव्य असताना मात्र सुमारे गेली दोन वर्ष नगरपालिकेवर प्रशासन असल्यामुळे त्यांच्यावर लोकप्रतिनिधी यांचा कसलाही अंकुश नसल्यामुळे या शॉपिंग सेंटरच्या स्वच्छतेकडे कित्येक दिवस साफसफाई होताना दिसत नाही. 

एवढ्या मोठ्या प्रमाणात असणार्‍या गाळेधारकांना व येथे तहसिल कार्यालयात येणार्‍या नागरीकांसाठी फक्त २ स्वच्छतागृह असून तेही असून अडचण व नसून खोळंबा अशा अवस्थेत असल्याचे दिसत आहे. दोन्ही स्वच्छतागृहे हे बंद अवस्थेत व घाणीच्या साम्राज्यात पडल्याचे दिसून येत आहे. 

सांगोला नगरपरिषदेमध्ये नव्याने आलेले मुख्याधिकारी हे या विषयाकडे लक्ष देणार का? असे येथील गाळेधारक व नागरीकांतून बोलले जात आहे. 

चौकट ः

आम्ही सांगोला नगरपरिषदेला वार्षिक स्वरूपाचे भाडे देत आहोत परंतु नगरपरिषदेकडून एवढ्या मोठ्या शॉपिंग सेंटरची स्वच्छता होताना दिसून येत नाही. आम्हाला येथे फक्त दोनच स्वच्छतागृहे असताना तेही बंद व अस्वच्छ स्वरूपाची असल्याने आम्हाला त्याचा नाहक त्रास होत आहे. 

- गाळेधारक