सांगोला आठवडा बाजार पार्किंग न.पा.प्रशासनाच्या आशीर्वादाने चिकन,मच्छी व्यावसायिकांच्या विळख्यात ;
या अतिक्रमणाकडे मुख्याधिकारी यांनी फिरवली पाठ !
सांगोला तालुका प्रतिनिधी ; सांगोला शहरातील आठवडा बाजार शेजारी शहरातील एकमेव असणाऱ्या पार्किंगच्या जागेमध्ये न.पा.प्रशासनाच्या आशिर्वादाने बेकायदेशीररित्या चिकन,मच्छी व्यावसाय थाटलेले आहेत.
या आठवडी बाजार परिसरात सांगोला तालुक्यातील तसेच इतर ठिकाणचे शेकडो शेतकरी आपला भाजीपाला, फळे,या ठिकाणी दररोज होणाऱ्या लिलावात विक्री करण्यासाठी आपली दुचाकी, चारचाकी वहाने घेवून येतात. या शेतकऱ्यांना आठवडा बाजारात कोणत्याही ठिकाणी पार्किंगची सोय नसल्याने ते आपआपली वाहने भर रस्त्यात लावतात.
त्यामुळे या आठवडा बाजार परिसरात वहातुकीची मोठ्या प्रमाणावर कोंडी होत आहे. आठवडा बाजारसाठी येणाऱ्या वाहनांसाठी आरक्षित असलेल्या पार्किंगमध्ये बेकायदेशीर केलेल्या अतिक्रमणावर सांगोला नगरपरिषदेचे कर्तव्यदक्ष मुख्याधिकारी सुधीर गवळी साहेब केव्हा कारवाई करणार ?
असा प्रश्न उपस्थित केला जात आहे.कर्तव्यदक्ष मुख्याधिकारी सुधीर गवळी साहेब यांनी काही राजकारण्यांच्या दबावामुळे शहरातील छोटे मोठे व्यावसाय करून आपल्या कुटुंबातील सदस्यांचा उदरनिर्वाह करणाऱ्या शेकडो गोरगरिबांचा संसार उद्ध्वस्त केले आहेत.
गेल्या १० वर्षात अशी टोलेजंग कारवाई कोणत्याही मुख्याधिकारी यांनी केली नाही. त्यामुळे सांगोला नगरपरिषदेस लाभलेले नुतन मुख्याधिकारी यांनी आपल्या कर्तव्यात कोणत्याही प्रकारचा कसूर न करता चोखपणे सांगोला शहराचे विद्रूपिकरण करणारी सर्व प्रकारची अतिक्रमणे तातडीने काढावीत.
काही निवडक पुढा-यांना राजकारण फायदा होईल या हेतूने मुख्याधिकारी यांनी राजकारण करून सांगोला शहरातील ठराविकच अतिक्रमणे काढली आहेत. त्यामुळे सांगोला शहरातील नागरिकांमध्ये मुख्याधिका-यांच्या या तोंड बघून केलेल्या कारवाईवर उलट सुलट चर्चा चौकाचौकात होताना दिसत आहे.
0 Comments