सोलापूर आधी बारावीचा पेपर दिला, मग वडिलावर अंत्यसंस्कार;
वडिलांचे प्रेत घरात ठेवून ग्रामस्थांनी मुलाला पाठवले परीक्षेला; मंगळवेढा तालुक्यातील घटना
मंगळवेढा तालुक्यातील हुलजंती येथे आज सकाळी आकस्मिक निधन झालेल्या वडीलाचा मृतदेह घरात ठेवून मुलाचे शैक्षणिक नुकसान होऊ नये म्हणून त्याला बारावीच्या परीक्षेसाठी पाठवले, पेपर संपल्यानंतर वडिलांच्या मृतदेहावर अंत्यविधी करण्याचा निर्णय ग्रामस्थानी घेतला.
याबाबत सविस्तर माहिती अशी की तालुक्यातील हुलजंती येथील कल्लाप्पा आबा रूपटक्के (वय 60) यांचे अकस्मात काल स.8 वाजता निधन झाले.
त्यामुळे घरात दुःखाचा डोंगर पसरला अशा परिस्थितीत सर्व नातेवाईक दुपारच्या सत्रात अंत्यविधी करण्यासाठी जमा झाले.
दरम्यान मुलगा तुकाराम याचा बारावी गणित विषयाचा आज पेपर सोड्डी येथील एम.पी मानसिंगका विद्यालय येथे असल्याचे समजले त्यामुळे या दुःखद प्रसंगी वडिलांच्या निधनामुळे पेपरला गैरहजर राहून त्याचे शैक्षणिक नुकसान होण्याची शक्यता लक्षात घेऊन हुलजंती येथील गोविंद भोरकडे व ग्रामस्थांनी एकत्र येत त्याला परीक्षेसाठी पाठवण्याचा निर्णय घेतला.
त्याबाबत प्राचार्य बसवराज कोरे यांना हा प्रकार कानावर घातला त्याचा बारावीचा पेपर होईपर्यंत वडिलांचा अंत्यविधी दुपारी दुपारपर्यंत पुढे ढकलण्यात आला. त्यामुळे वडिलांचा मृतदेह घरात ठेवून जड अंतकरणाने त्याला परीक्षेसाठी जावे लागले. या घटनेने या परिसरात तीव्र हळहळ व्यक्त केले जात आहे.
0 Comments