शेकापच्या "या" नेत्याने मागितली माजी आम. दिपक आबा साळूंके पाटील यांची जाहीर "माफी"

शेकापच्या "या" नेत्याने मागितली माजी  आम. दिपक आबा साळूंके पाटील यांची जाहीर "माफी"

तब्बल दिड वर्षांनंतर जाहिर पत्रकार परिषदेत माफी मागून विषय संपवण्याची केली मागणी

सांगोला प्रतिनिधी,शेतकरी कामगार पक्षाचे जेष्ठ नेते बाबासाहेब कारंडे हे नेहमी वेगवेगळ्या कारणांनी चर्चेत असतात.ते स्व आमदार गणपतराव देशमुख यांच्या खास मर्जीतील व्यक्ती म्हणून ओळखले जातात. सोलापूर जिल्हा परिषदेच्या सदस्य पदी असताना तालुक्यातील जनतेच्या प्रश्नावर आवाज उठवत होते. आणि निधी मंजूर करुन आणत होते.

 सध्या स्व आमदार गणपतराव देशमुख यांच्या निधनाने तालुक्यातील अनेक वाचाळवीर लोकांच्या मुळें अनेक वेळा शेकापच्या नेत्यांना वेगवेगळ्या अडचणींना सामोरे जावे लागते आहे. असाच प्रकार 

शेतकरी कामगार पक्षाचे ज्येष्ठ नेते, माजी आमदार (स्व.) गणपराव देशमुख यांच्या अंत्यविधीवेळी घडलेल्या प्रकाराबद्दल पक्षाच्या राज्य चिटणीस मंडळाचे सदस्य बाबासाहेब कारंडे यांनी दीड वर्षांनंतर माफी मागितली आहे. राष्ट्रवादी काँग्रेसचे माजी आमदार दीपक साळुंखे यांची कारंडे यांनी जाहीर माफी मागितली आहे.

माजी आमदार गणपतराव देशमुख यांच्या अंत्यविधीवेळी राष्ट्रवादीचे माजी आमदार दीपक साळुंखे हे श्रद्धांजली वाहण्यासाठी उभे राहिले होते. त्या वेळी शेकापच्या काही कार्यकर्त्यांनी गोंधळ घालण्याचा प्रयत्न केला होता. 

त्यावेळी साळुंखे यांना बोलू दिले नव्हते. कारण, दीपक साळुंखे हे तोपर्यंत प्रत्येक निवडणुकीत गणपतराव देशमुख यांच्यासोबत होते. मात्र मागील विधानसभा निवडणुकीत त्यांनी शहाजी पाटील यांच्यासोबत युती केली होती.

 त्या निवडणुकीत शेकापचे उमेदवार आणि देशमुख यांचे नातू अनितकेत देशमुख यांचा अवघ्या ७६८ मतांनी पराभव झाला होता. तो राग कार्यकर्त्यांच्या मनात होता. त्यातून हा प्रकार घडला होता.

आज पत्रकार परिषदेत बोलताना जलजीवनच्या कामाच्या राजकीयच नाही तर अधिकारी वर्गाचीही चौकशी झाली पाहिजे. मी आम्ही विकासकामांत राजकारण करत नाही, 

असे नमूद केले होते. त्यासंदर्भाने कारंडे यांना आबासाहेबांच्या अंत्यविधीवेळी साळुंखे यांना बोलू न देणे हे राजकारण नव्हते, असा प्रश्न विचारण्यात आला होता. त्याला उत्तर देताना कारंडे यानी साळुंखे यांची माफी मागितली होती

सांगोला तालुक्यात जलजीवन मिशनच्या कामात कोट्यवधींचा भ्रष्टाचार झाला आहे. या भ्रष्टाचारप्रकरणी पाठीशी घालणारे अधिकारी आणि कर्मचारी यांची चौकशी त्यांना निलंबित करण्यात यावे, यासाठी आयोजित पत्रकार परिषदेत कारंडे यांनी आबांच्या अंत्यविधीवेळी घडलेल्या प्रकाराबद्दल पुन्हा एकदा जाहीर माफी मागतो, असे स्पष्ट केले.