बहुजन नायक वामन मेश्राम साहेब यांचा आज सांगोला दौरा

सांगोला (प्रतिनिधी): बहुजन नायक वामन मेश्राम साहेब यांचा आज सांगोला दौरा असून रविवार दिनांक २६ रोजी सकाळी ठिक ९ वाजता साहेबांच्या स्वागतासाठी व बहुजन महापुरुषांच्या पुतळ्यांना पुष्पाहार अर्पण करण्यासाठी हजारोंच्या संख्येने उपस्थित राहावे असे आवाहन बापूसाहेब ठोकळे यांनी केले आहे.

भारतीय लोकशाही वाचवण्यासाठी, संविधान वाचवण्यासाठी, आरक्षण वाचवण्यासाठी व ओ.बी.सींची जातीनिहाय जनगणना व्हावी यासाठी अहोरात्र संघर्ष करणारे बामसेफचे राष्ट्रीय अध्यक्ष वामन मेश्राम हे सांगोला शहराला सदिच्छा भेट देणारआहेत. 

डॉ. बाबासाहेब आंबेडकर उद्यान येथे साहेबांचे बहुजन समाजाच्या वतीने स्वागत व सत्कार होणार आहे. त्यानंतर डॉ. बाबासाहेब आंबेडकर यांच्या पुतळ्यास पुष्पहार अर्पण करण्यात येईल. 

नंतर राजमाता अहिल्याबाई होळकर, साहित्यरत्न अण्णाभाऊ साठे, छत्रपती शिवाजी महाराज व राष्ट्रपिता महात्मा जोतीराव फुले यांच्या पुतळ्यास पुष्पहार अर्पण केले जातील. तरी सर्वांनी वेळेवर उपस्थित राहून कार्यक्रमात सहभागी व्हावे. असे ही आवाहन बामसेफ व सहयोगी संघटना सांगोला तालुका यांच्या वतीने करण्यात आले आहे.