सांगोल्यात 34 वे रस्ता सुरक्षा अभियान सांगोला येथे संपन्न 
सांगोला/प्रतिनिधी: केंद्र व राज्य शासन यांच्या संयुक्त विद्यमाने दरवर्षी वर्षाच्या प्रारंभी रस्ता सुरक्षा अभियान नियोजित असून, यावर्षी 11 जानेवारी रोजी अभियानाचे नियोजनानुसार सांगोला येथे वाहन चालक, मालक यांना तसेच सांगोला येथील मासिक दौरा शिबिरातील अर्जदारांना वाहतूक नियम व चिन्हे यांचे अनुपालन दुचाकी वाहन चालवताना हेल्मेट वापरणे, चारचाकी वाहन चालवताना सीट बेल्टचा वापर करणे,
मद्यप्राशन करून वाहन न चालवणे, वाहन चालवताना मोबाईलचा वापर न करणे, तसेच इतर अनेक नियमाबद्दल प्रबोधन उप प्रादेशिक परिवहन अधिकारी अर्चना गायकवाड यांच्या मार्गदर्शनाखाली वायुवेग पथकातील अधिकारी, मोटार वाहन निरीक्षक वैभव राऊत, साह्य.
मोटार वाहन निरीक्षक रोहीत भोसले, सनी कुडपणी, चालक संतोष मकरे यांच्यासोबत वाहन वितरक ओम साई हिरो वितरक कुमठेकर, तसेच उबाळे मोटार ड्रायव्हींग स्कूल, निसारभाई इनामदार, बंडगर मोटर ड्रायव्हिंग स्कूल, श्रीराम मोटर ड्रायव्हिंग स्कूल, व कल्याणी मोटर ड्रायव्हिंग स्कूल यांनी सदर अभियानात प्रत्यक्ष सहभाग घेतला.
आज रोजी उपस्थित सहभागी वितरक व मोटार ड्रायव्हिंग स्कूल यांचे प्रतिनिधी वाहन प्रतिनिधी यांनी हेल्मेट रॅली काढून मार्केट यार्ड ते एस.टी. स्टॅन्ड मार्गाने म. फुले चौक, स्टेशन रोड मार्गाने सुरक्षा सप्ताह रॅली काढून हेल्मेट वापराबाबत वाहतुकीचे व रस्ता सुरक्षा व नियमांचे महत्त्व पटवून दिले.
0 Comments