रेशनवर गहू, तांदळासोबत आता तेल, मीठही मोफत, ‘या’ रेशन कार्डधारकांना मिळणार लाभ

 रेशनवर गहू, तांदळासोबत आता तेल, मीठही मोफत, ‘या’ रेशन कार्डधारकांना मिळणार लाभ

पंतप्रधान गरीब कल्याण योजनेअंतर्गत देशभरातील रेशन कार्डधारकांना मोफत धान्य दिले जाते. कोरोना संकट काळात केंद्र सरकारने ही सुविधा सुरु केली होती. देशातील 80 कोटी लोकांना या योजनेचा लाभ होतो. त्यानंतर केंद्र सरकारने रेशनकार्डधारकांसाठी आणखी एक आनंदाची बातमी दिली आहे.

आता तेल, मीठही मोफत

केंद्र सरकारने रेशन कार्डधारकांना 21 किलो गहू व 14 किलो तांदूळ मोफत देण्याची घोषणा केली आहे. या मोफत रेशनसोबतच लाभार्थ्यांना आता तेल व मीठाची पाकिटेही मोफत दिली जाणार असल्याचे जाहीर केले. त्यामुळे रेशनकार्डधारकांना यापुढे अधिक गहू व तांदळाचा लाभ होणार आहे.

मोदी सरकारच्या या योजनेचा लाभ फक्त अंत्योदय रेशनकार्ड असणाऱ्या कुटुंबांनाच होणार आहे. सामान्य रेशन कार्डधारकांना नेहमीप्रमाणे फक्त 2 किलो गहू व 3 किलो तांदूळ मिळेल. मात्र, त्यासाठी कार्डधारकांना गव्हाला किलोमागे 2 रुपये, तर तांदळासाठी प्रति किलो 3 रुपये मोजावे लागणार आहेत.

प्रथम येणाऱ्यास प्राधान्य

अंत्योदय रेशनकार्ड असणाऱ्या कुटुंबांना दर महिन्याला 21 किलो गहू व 14 किलो तांदूळ दिला जाणार आहे. सोबतच मीठ, तेल व हरभऱ्याची अतिरिक्त पाकिटे शिल्लक असल्यास, अंत्योदय कार्डधारकांना त्याचे मोफत वाटप केले जाईल. त्यासाठी प्रथम येणाऱ्यास प्रथम प्राधान्य, हा नियम असेल. हा साठा संपल्यावर हे साहित्य मोफत मिळणार नसल्याचेही सरकारे स्पष्ट केले आहे.

दरम्यान, पंतप्रधान गरीब कल्याण योजनेचा लाभ अनेक अपात्र कुटुंबांनीही घेतल्याचे समोर आल्यानंतर केंद्र सरकारने अशा लोकांवर कारवाई सुरु केली आहे. सरकारने आतापर्यंत सुमारे 10 लाख रेशनकार्ड रद्द केली आहेत, शिवाय, या लोकांवर कडक कारवाई करून त्यांच्याकडून आतापर्यंत लाभ घेतलेले रेशनही वसूल केले जाणार असल्याचे सांगण्यात आले.