सांगोल्यात 'लंम्पी स्कीन क्वारंटाईन सेंटर'चा प्रस्ताव अस्लम सय्यद, पशुधन विकास अधिकारी, सांगोला
सांगोला : सांगोला तालुक्यात लंपी रोगाचा प्रादुर्भाव दिवसेंदिवस मोठ्या प्रमाणात वाढू लागला आहे. ८१ हजार गायवर्ग जनावरांमध्ये आतापर्यंत १ हजार ८४१ जनावरे लंम्पी रोगाने बाधित झाले आहेत. तर १०७ जनावरांचा मृत्यू झाला आहे.
या वाढत्या रोगामुळे सांगोला तालुक्यात 'लंम्पी स्कीन क्वारंटाईन सेंटर' व्हावे यासाठी प्रस्ताव पाठवला असल्याचे तहसीलदार अभिजीत पाटील यांनी सांगितले. सांगोला तालुक्यामध्ये सद्यस्थितीत ८१ हजार इतकी गाय वर्ग पशुसंख्या आहे. त्यातील लंपी आजाराने १ हजार ८४१ पशु बाधित आहेत.
त्यातील १ हजार ३७५ पशुंवर उपचार सुरू आहेत. यातील ३५९ जनावरे उपचाराने बरे झालेले आहेत तर १०७ जनावरांचा मृत्यू झाला आहे. लंपी बाधित पशूंची संख्या दररोज सरासरी ८० ते १०० ने वाढ आहे. एवढ्या जास्त पशुधन घरोघरी उपचार करण्यासाठी प्रशासकीय यंत्रणा कमी पडत आहे.
सध्या तालुक्यात पशुसंवर्धन विभागात फक्त ३० अधिकारी व कर्मचाऱ्यांचा समावेश आहे. कर्मचारी व अधिकारी कमी असल्याने शेतकऱ्यांच्या घरोघरी जाऊन त्यांच्यावर उपचार करणे सध्या अवघड होत असून तसेच रोगाने बाधित झाल्याने जनावरे इतरत्र असल्याने त्यांचाही संसर्ग वाढण्याची शक्यता निर्माण झाली आहे.
त्यामुळे 'लंपी क्वारंटाईन सेंटर' स्थापन झाल्यास सर्व बाधित पशु एकाच ठिकाणी आल्यास उपचारासाठी वेळही कमी लागेल आणि लंम्पी रोगाचा प्रादुर्भावी रोखता येईल. सांगोला तालुक्यामध्ये एखतपुर १६७, शिवणे ३७२, शिरभावी ३०७, महूद - १३० वाढेगाव -६७ मिसाळवाडी -४७ कोळे -४७ सांगोला -७६ जनावरे बाधित आहेत.
१) सांगोला तालुक्यामधील जनावरांच्या लंपी स्कीन रोगाचा प्रादुर्भाव सध्या सतत वाढत आहे. याबाबत पशुधन विकास अधिकाऱ्यांचे क्वारंटाईन सेंटरचे मागणी पत्र मिळाल्याने तालुक्यात 'लंम्पी स्कीन क्वारंटाईन सेंटर' सुरू करण्याबाबत प्रस्ताव वरिष्ठकडे दिला आहे
अभिजीत पाटील, तहसीलदार.
२) तालुक्यात दररोज सरासरी १०० जनावरे लंंपी आजाराने बाधित होत आहेत. या सर्वांवर वेळेवर घरोघरी जाऊन उपचार करणे कठीण झाले आहे. त्यामुळे 'लंपी स्कीन क्वारंटाईन सेंटर' झाल्यास याचा लाभ जनावरांना व पशुपालकांना होणार आहे. त्यासाठी आम्ही या सेंटरची मागणी केली आहे -
अस्लम सय्यद, पशुधन विकास अधिकारी, सांगोला
0 Comments