दाढीला हात का लावला वादातून मित्रानेच केला मित्राची हत्या!

 दाढीला हात का लावला वादातून मित्रानेच केला मित्राची हत्या!

औरंगाबाद : औरंगाबाद येथील पैठण तालुक्यातील पिंपळवाडी येथे किरकोळ वादातून एका मित्राने दुसऱ्याची हत्या केली आहे. अब्दुल उर्फ सांडू काम्मा शेख असे मयत व्यक्तीचे नाव आहे.

याबद्दल अधिक माहिती अशी कि, अब्दुल उर्फ सांडू काम्मा शेख आणि रामेर उर्फ राम गजेसिंग बोत हे दोघेही मित्र आहेत. ते पैठण औरंगाबाद महामार्गावरील एका हॉटेलमध्ये भजे खाण्यासाठी गेले. मात्र याचवेळी राम बोत याच्या दाढीला मयत सांडू शेख याने हात लावला. 

त्यामुळे दोघांमध्ये वाद झाला. माझ्या दाढीला हात का लावला? यावरून दोन्ही मित्रांमध्ये वाद झाला. दोन्ही मित्रांमधील वाद एवढ्या विकोपाला गेला की राम याने बाजूला असलेल्या अंडा आमलेटच्या दुकानातील चाकूने सांडू यांच्या पाठीमागे दोन वार केले. 

यामध्ये सांडू हा गंभीर जखमी झाल्याने दवाखान्यात दाखल केले होते. परंतु उपचारादरम्यान त्याचा मृत्यू झाला.दरम्यान, याप्रकरणी काही तासांच्या आत आरोपीला पोलिसांकडून अटक करण्यात आली.