'या' वाहनांबाबत नितीन गडकरींची मोठी घोषणा

 'या' वाहनांबाबत नितीन गडकरींची मोठी घोषणा 

केंद्रीय रस्ते वाहतूक आणि महामार्ग मंत्री नितीन गडकरी यांनी सांगितले की, येत्या एका वर्षात इलेक्ट्रिक वाहनांची किंमत पेट्रोल वाहनांच्या बरोबरीने असेल. त्यांच्या या वक्तव्यानंतर कार आणि दुचाकीस्वार खूश आहेत. गडकरी म्हणाले की, तंत्रज्ञानात झपाट्याने होणारा बदल आणि हरित इंधन यामुळे इलेक्ट्रिक ऑटोमोबाईल्सची किंमत कमी होईल. 

यामुळे पुढील एका वर्षात इलेक्ट्रिक वाहनांची किंमत पेट्रोलवर चालणाऱ्या वाहनांच्या बरोबरीने होईल. प्रभावी स्वदेशी इंधनाकडे जाण्याच्या गरजेवर भर देऊन गडकरींनी आशा व्यक्त केली की, लवकरच इलेक्ट्रिक इंधन प्रत्यक्षात येईल. त्यामुळे प्रदूषणाची पातळी कमी होईल.

देशातील खासदारांनी हायड्रोजन तंत्रज्ञानाचा अवलंब करावा, असे आवाहनही गडकरींनी केले. त्यांनी आपापल्या लोकसभा मतदारसंघात सांडपाण्याच्या पाण्यापासून ग्रीन हायड्रोजन तयार करण्यासाठी पुढाकार घेण्यास सांगितले. ते म्हणाले की, हायड्रोजन हा लवकरच सर्वात स्वस्त इंधनाचा पर्याय असेल.

गडकरी म्हणाले, लिथियम आयन बॅटरीच्या किमती झपाट्याने कमी होत आहेत. झिंक-आयन, आयन, सोडियम-आयन बॅटरी विकसित केल्या जात आहेत. तो दिवस दूर नाही जेव्हा इलेक्ट्रिक स्कूटर, कार, ऑटो रिक्षाची किंमत पेट्रोलवर चालणारी स्कूटर, कार, ऑटो रिक्षाच्या बरोबरीची होईल.