दहावीच्या निकालाची तारीख जाहीर, ‘दहावीचा निकाल उद्या दुपारी जाहीर होणार..!

 दहावीच्या निकालाची तारीख जाहीर, ‘दहावीचा निकाल उद्या दुपारी जाहीर होणार..!

दहावीच्या निकालाची तारीख जाहीर, ‘असा’ पाहा ऑनलाईन निकाल..!

दहावीची परीक्षा दिलेल्या विद्यार्थ्यांसाठी मोठी बातमी आहे.. राज्य माध्यमिक व उच्च माध्यमिक शिक्षण मंडळातर्फे घेण्यात आलेल्या दहावीच्या परीक्षेचा निकाल उद्या (ता. 17) जाहीर होणार आहे. शालेय शिक्षणमंत्री वर्षा गायकवाड यांनी ट्विट करुन याबाबतची माहिती दिली. त्यानुसार, उद्या दुपारी 1 वाजता हा निकाल ऑनलाईन जाहीर होणार आहे.

गेल्या आठवड्यात बारावीचा निकाल जाहीर झाला होता. त्यानंतर विद्यार्थी-पालकांचे लक्ष दहावीचा निकालाकडे लागले होते. शिक्षणमंत्री वर्षा गायकवाड यांनी 15 जूनपर्यंत दहावीचा निकाल जाहीर केला जाणार असल्याचे जाहीर केले होते. मात्र, 15 जून उलटून गेल्यावरही निकाल जाहीर न झाल्याने विद्यार्थी चिंतेत पडले होते..

हावीच्या परीक्षेसाठी एकूण 16 लाख 39 हजार 172 विद्यार्थ्यांनी नोंदणी केली होती. पैकी 8 लाख 89 हजार 584 विद्यार्थी, तर 7 लाख 49 हजार 487 विद्यार्थिनींनी ही परीक्षा दिली. या विद्यार्थ्यांचे लक्ष दहावीचा निकाल कधी लागतोय, याकडे लागले होते.

राज्याच्या शालेय शिक्षणमंत्री वर्षा गायकवाड यांनी अखेर आज दहावीच्या निकालाची तारीख व वेळ जाहीर केली. त्यानुसार उद्या दुपारी 1 वाजता ऑनलाइन पद्धतीने दहावीचा निकाल जाहीर केला जाणार असल्याची माहिती शिक्षणमंत्री वर्षा गायकवाड यांनी दिली आहे..