सोलापूर :16 महिन्याच्या चिमुकलीवर अनैसर्गिक अत्याचार करणाऱ्या बापासह मदत करणाऱ्या आईला फाशीची शिक्षा
सोलापूर- पोटच्या सोळा महिन्यांच्या बाळावर अनैसर्गिक अत्याचार करणाऱ्या बापाला व त्याला सहकार्य करून गुन्हा लपविल्या प्रकरणी आईला सोलापूर जिल्हा न्यायालयाने मरेपर्यंत फाशीची शिक्षा ठोठावली आली आहे. 3 जानेवारी रोजी ही घटना घडली होती. आपल्या बाळाचा खून करून सिकंदराबाद राजकोट एक्सप्रेसने जाताना सोलापूर लोहमार्ग पोलिसांनी हा गुन्हा उघडकीस आणला होता. फास्ट कोर्टाने साक्ष वैद्यकीय पुरावे या आधारे धोलराम अर्जुनराम बिष्णोई (वय 26), पुनीकुमारी धोलाराम बिष्णोई (वय 20 वर्ष,) दोघे रा, राजस्थान या दोघांना मरेपर्यंत फाशीची शिक्षा ठोठावली आहे.
सिकंदराबाद राजकोट एक्सप्रेसने निघाले होते-
पोटच्या मुलीवर नैसर्गिक व अनैसर्गिक अत्याचार करून तिचा खून करून आरोपी 4 जानेवारी रोजी सिकंदराबाद राजकोट एक्सप्रेसने निघाले होते. आरोपी धोलाराम व पुनीकुमारी बिष्णोई हे कामानिमित्त राजस्थानहून हैद्राबाद येथे गेले होते.3 जानेवारी मयत सोळा महिन्याच्या बाळावर धोलाराम बिष्णोई याने आपल्या बाळाला दारू पाजली. तिच्यावर अनैसर्गिक, नैसर्गिक व मौखिक अत्याचार केला. अत्याचार केल्याने बाळ सतत रडत होते. तिचा आवाज बंद करण्यासाठी ओढणीच्या साहाय्याने तिचा गळा आवळून खून केला. त्याची विल्हेवाट लावण्यासाठी पती पत्नी हैद्राबाद हुन सिकंदराबाद राजकोट एक्सप्रेसने आपल्या मूळ गावी निघाले होते.
सोलापूर रेल्वे स्थानकावर लोहमार्ग पोलिसांनी गुन्हा उघडकीस आणला-
धोलाराम बिष्णोई व पुनीकुमारी बिष्णोई हे दोघे सोळा वर्षाच्या बाळाचे मृतदेह घेऊन रेल्वेने हैदराबादहुन निघाले होते. पण हैदराबाद हुन बाळ रडत नाही, हालचाल करत नाही याबाबत संशय आल्याने सह प्रवाशांनी ताबडतोब रेल्वे कर्मचाऱ्यांना माहिती दिली. लोहमार्ग पोलिसांना ही बाब कळताच सोलापूर रेल्वे स्थानकावर 4 जानेवारी 2022 रोजी रात्री 9 वाजण्याच्या सुमारास दोघांना ताब्यात घेतले आणि तपास सुरू केला.
बाळाची तपासणी केली असता सोळा महिन्यांचे बाळ मयत झाले होते.पोलिसांनी सदर मृतदेह ताब्यात घेऊन त्याचे पोस्ट मार्टम केले असता त्यावर नैसर्गिक आणि अनैसर्गिक लैंगिक अत्याचार केले असल्याचं डॉक्टरांनी अहवाल दिला. यानुसार धोलाराम बिष्णोई व त्याच्या या कृत्यात सहकार्य करणाऱ्या त्याच्या पत्नीस पुनीकुमारी बिष्णोई यावर खून, लैंगिक अत्याचार ( बलात्कार),पोस्को अंतर्गत लोहमार्ग पोलीस ठाण्यात गुन्हा दाखल करण्यात आला होता.
खटल्यात एकूण 31 साक्षीदार तपासण्यात आले- आरोपींचा अपराध न्यायालयात सिद्ध करण्यासाठी सरकार पक्षाच्या वतीने 31 साक्षीदार तपासण्यात आले. परिस्थितीजन्य पुरावा, वैद्यकीय पुरावा, तसेच डीएनए अहवाल या आधारित जिल्हा सरकारी वकील ऍड प्रदीपसिंग राजपूत यांनी युक्तिवाद केला. न्यायालयाने दोन्ही आरोपींचे जबाब नोंदवून घेत त्यांना दोषी धरले होते.
जलदगती कोर्टात खटला चालवला आणि फाशी शिक्षा ठोठावली-
सदर खटल्याची सुनावणी 26 एप्रिल 2022 पासून न्यायालयात सुरू झाली आणि 6 मे रोजी संपली. या सहा दिवसांत 31 साक्षीदार तपासण्यात आले आणि संपूर्ण खटला न्यायालयासमोर सादर करण्यात आला. सदर खटल्यात साक्षीदार हैदराबाद, सिकंदराबाद, सोलापूर, राजस्थान, नेपाळ हुन ऑनलाइन साक्षी दिल्या.
वैद्यकीय पुरावा, साक्षी, आणि डी एन ए अहवाल हे सर्व पुरावे ग्राह्य धरून जिल्हा व सत्र न्यायाधीश यु एल जोशी यांनी आरोपी धोलाराम बिष्णोई व पुनीकुमारी बिष्णोई या माता पित्यास मरेपर्यंत फाशीची शिक्षा ठोठावली आहे. यामध्ये सरकार पक्षाच्या वतीने ऍड प्रदीपसिंग राजपूत, आरोपीच्या वतीने ऍड संदीप शेंडगे, ऍड फिरोज शेख, ऍड अंजली बाबरे यांनी काम पाहिले.
0 Comments