आता तर हद्द्च झाली |'तो मेला तर विम्याचे 1 कोटी मिळतील! 10 लाख तुमचे 90 माझे' बीडमध्ये पत्नीनेच रचलं हत्याकांड 
नवरा-बायकोच्या नात्याला काळीमा फासणारी धक्कादायक घटना उघडकीस आली आहे.पतीच्या विम्याचे एक कोटी रुपये मिळावेत, यासाठी पत्नीनेच पतीच्या हत्येचा कट रचलाय. यासाठी तिने पतीच्या हत्येची सुपारी दिली होती. बीडमध्ये ही खळबळजनक घटना उघडकीस आलीय. या घटनेनं अख्खं बीड हादरलंय. डोक्यात वार करुन पतीची हत्या करण्यात आली होती. पण अपघातामध्ये तो दगावला, असा बनाव रचला गेला होता. संशयास्पद घडामोडींनंतर पोलिसांनी या संपूर्ण मर्डर मिस्ट्रीचा उलगडा केलाय. यानंतर पत्नीलाही पोलिसांनी अटक केली. त्यानंतर पोलिसांनी विचारलेल्या प्रश्नांना उत्तरं देताना पत्नींही पतीच्या हत्येची सुपारी दिली असल्याचा कबुली जबाब दिलाय. पोलीस अधिक्षक नंदकुमार ठाकूर यांनी याबाबत माहिती देत हत्येचा खुलासा केलाय.
पोलिसांनी केलेल्या तपासातून धक्कादायक माहिती समोर आली. रस्त्यावर आढळलेल्या मृतदेहाची हत्या करण्यात आलेली. मृतदेहाच्या डोक्यावर गंभीर वार करण्यात आले होते. डोक्यात वर करुन या इसमाचा मृतदेह रस्त्यावर फेकण्यात आल होता. त्यानंतर टेम्पो आणि दुचाकीची धडक होऊन अपघात झालाय, असा बनाव रचला गेला होता. याप्रकऱणी पोलिसांनी एकूण पाच जणांना अटक केली. त्यानंतर त्यांची कसून चौकशी करण्यात आली.
अटक करण्यात आलेल्या पाच जणांमध्ये पत्नीचाही समावेश आहे. 11 जून रोजी पिंपरगव्हाण रोड वर एका व्यक्तीचं प्रेत आढळून आलं होतं. हा मृतदेह मंचक पवार यांचा असल्याचं निष्पन्न झालेलं. या खूनाचा उलगडा झाल्यानंतर खळबळजनक माहिती समोर आली. एक कोटी रुपयांचा विमा पदरात पाडून घेण्यासाठी मृत पवार यांच्या पत्नीनेच सुपारी देऊन पतीचा काटा काढला होता. पतीच्या हत्येकरीता पत्नीने दहा लाख रुपयांची सुपारी दिली होती. त्यातील दोन लाख रुपये मारेकर्यांना ऍडव्हान्स म्हणून दिला. अखेर हा कट पोलिसांनी उधळून लावलाय.
अखेर मर्डर मिस्ट्री उलगडली
बीड ग्रामीण पोलिसांनी उलगडलेल्या हत्याकांडानं संपूर्ण बीडमध्ये खळबळ उडाली. एक अपघात झाला होता. या अपघातामध्ये टेम्पो आणि दुचाकी धडकली आणि पतीचा मृतदेह रस्त्यावर पडलेल्या अवस्थेत आढळून आला होता. ही घडना कळल्यानंतर पोलिसांनी घटनास्थळी धाव घेतली. पंचनामा केला. पण त्यानंतर पोलिसांनी संशय आला म्हणून त्यांनी तपासाची सगळी चक्र फिरवली.
0 Comments