सावधान सोलापूर जिल्ह्यातील या तालुक्यात आढळला कोरोनाचा रुग्ण...

  सावधान सोलापूर जिल्ह्यातील या तालुक्यात आढळला कोरोनाचा रुग्ण...

कोरोनाची रुग्णसंख्या शून्य असणाऱ्या मंगळवेढा तालुक्यात तब्बल एक महिन्यानंतर मरवडे येथे एक रुग्ण सापडला आहे. यामुळे आरोग्य यंत्रणा अलर्ट झाली असून, नागरिकांनी विशेष काळजी घ्यावी, असे आवाहन तालुका आरोग्य अधिकारी डॉ.भाऊसाहेब जानकर यांनी केले आहे.

कोरोनाच्या दुसऱ्या लाटेने तालुक्यात अक्षरशः हाहाकार माजवला होता. अनेक लोकांना आपल्या आप्तेष्टांना गमवावे लागले. दुसरी लाट अनेकांचे जीव घेऊन ओसरली. त्याचबरोबर तिसरी लाटही ओसरल्यानंतर कोरोना बराच थंडावला होता. त्यामुळे निर्बंध उठले. तोंडावरचा मास्क दूर झाला. दरम्यान जिल्ह्यातील शेजारच्या पंढरपूर, सांगोला या तालुक्यांतही कोरोनाबाधित रुग्ण आढळून येत आहेत. नागरिकांनी खबरदारी घेण्याची गरज आहे.

कोरोनापासून नागरिकांनी बचावासाठी प्राधान्याने लसीकरण करून घ्यावे. ६० वर्षांवरील जेष्ठ नागरिकांसाठी प्रत्येक प्राथमिक आरोग्य केंद्रात बूस्टर डोस उपलब्ध आहे, तसेच १२ ते १८ वर्षातील विद्यार्थ्यांनी, तरुणांनी लसीकरण करून घ्यावे तसेच कोरोनापासून बचावासाठी तोंडावर मास्क, सॅनिटायझरचा वापर, सोशल डिस्टसिंगचे पालन करावे, असे मंगळवेढेतील तालुका आरोग्य अधिकारी डॉ.भाऊसाहेब जानकर यांनी सांगितले.