आधार , पॅन कार्ड इतरांना देण्यापूर्वी दहादा विचार करा जीएसटी चोरीसाठी वापर : काहीही संबंध नसताना गोत्यात येणार

 आधार , पॅन कार्ड इतरांना देण्यापूर्वी दहादा विचार करा जीएसटी चोरीसाठी वापर : काहीही संबंध नसताना गोत्यात येणार

तुमचे पैन किंवा आधार कार्ड इतरांना देण्यापूर्वी दहावेळा विचार करा . जीएसटी चोरीसाठी त्यांचा वापर होत असल्याचे उघडकीस आले आहे . देशभरात अशा घटना घडल्या असून , सांगली जिल्ह्यातही दोन प्रकार उघडकीस आले आहेत . गुन्ह्याशी काहीही संबंध नसणाऱ्या व्यक्ती विनाकारण पोलीस चौकशीच्या फेऱ्यात अडकल्या आहेत . जीएसटी चुकवेगिरीची शेकडो प्रकरणे २०१७ पासून उघडकीस आली आहेत . 

त्यामुळे काही विशिष्ट विवरणपत्रांच्या पुन्हा तपासणीची मोहीम जीएसटीने आठवडाभरापासून सुरू केली . सांगली जिल्ह्यात एक हजार व्यावसायिकांची यादी तयार केली आहे . तपासणीदरम्यान शंका आल्यास नोटीस काढली जाणार आहे .यादरम्यान , काही कंपन्यादेखील उघडकीस बोगस येऊ शकतात , गुजरात , राजस्थान , मुंबई , दिल्लीमधील काही करचोरट्यांनी बनावट कागदपत्रांद्वारे कंपन्या स्थापनकेल्या आहेत . 

काही उद्योगपतींनी आपल्या कर्मचाऱ्यांच्या पॅन , आधार कार्डद्वारे बोगस जीएसटी नोंदणी क्रमांक घेतले आहेत . या कंपन्या फक्त कागदोपत्रीचालतात . मोठी उलाढाल दाखवून इनपूट टॅक्स क्रेडिट घेतले जाते . प्रत्यक्ष उत्पादन किंवा खरेदी - विक्री नसतानाही रिटर्न्स फाईल केले जातात , त्यातून परतावे मिळविले जातात .

सांगलीत दोन प्रकरणे उघडकीस सांगलीत अशी दोन प्रकरणे समोर आली आहेत . गुजरातमधील व्यापायाने कुहनूर ( ता . जत ) येथील शेतमजुराचे पॅन , आधार , वीजबिल वापरून जीएसटी नोंदणी केली . फक्त चार महिन्यांत दोन कोटींची उलाढाल दाखवून ३० लाखांचा जीएसटी घोटाळा केला . शेतमजुराच्या नावे महुआ ( गुजरात ) येथे बैंक खाते उघडले . सांगलीत विजयनगरमधील एकाचे वीजबिल व कागदपत्रे वापरून अन्य एकाने ११ महिन्यांत ८२ कोटींची उलाढाल दाखविली . चार कोटींचा जीएसटी घोटाळा केला . सांगली जिल्ह्यातील हे दोघेही आता विनाकारण चौकशीच्या फेयात अडकले .

तुमच्या नावेही निघेल कॉर्पोरेट कंपनी तुमच्या नावे एखादी बड़ी कॉर्पोरेट व्यावसायिक कंपनी असणे ही बाब निश्चितच अभिमानाची ठरते . पण तुम्हाला माहिती नसताना अशी कंपनी कार्यरत असणे म्हणजे मोठीच धक्कादायक बाब होईल . तुमच्या पॅन व आधार कार्डद्वारे अशी कंपनी सुरू केली जाऊ शकते . जीएसटी फसवेगिरीसाठी तिचा बिनबोभाट वापर होतो . बोगस बिलिंग झाल्याने तुम्हाला प्राप्तीकर विभागाच्या नोटिसा येऊ शकतील , अशी परिस्थिती आहे . तपास यंत्रणांचा सतर्कतेचा इशारा जीएसटी चोरीसाठी आधार , पॅन कार्डाचा गैरवापर होत असल्याची प्रकरण समोर आल्यानंतर तपास यंत्रणांनी सतर्कतेचा इशारा दिला आहे . आधार आणि पॅन कार्डाचा तपशील कुणालाही देऊ नका