सांगोला नगरपरिषदेचा "ई बाईक कट्टा" ठरतोय लक्षवेधक ई वाहनांच्या वापराबाबत जनजागृतीसाठी साकारली सिनेस्टाईल प्रतिकृती

 सांगोला नगरपरिषदेचा "ई बाईक कट्टा" ठरतोय लक्षवेधक 

ई वाहनांच्या वापराबाबत जनजागृतीसाठी साकारली सिनेस्टाईल प्रतिकृती

सांगोला (प्रतिनिधी): पर्यावरणाचा समतोल राखण्यासाठी राज्य शासनाने सुरू केलेल्या पृथ्वी, जल, वायू, अग्नी या पंचतत्वावर आकाश, आधारित माझी वसुंधरा अभियान 2.0 मध्ये सांगोले नगरपरिषदेमार्फत  पर्यावरण संरक्षण व संवर्धन करणेसाठी विविध उपक्रम हाती घेण्यात येत आहेत. वायू या घटकांतर्गत हवेचे प्रदूषण टाळण्यासाठी पर्यावरणपूरक वाहनांच्या वापराबाबत जनजागृती व्हावी या उद्देशाने नगरपरिषदेमार्फत * ई-बाईक कट्टा* (E Bike) तयार करण्यात आला असल्याची माहिती मुख्याधिकारी कैलास केंद्रे यांनी दिली.

आधुनिकीकरणाबरोबरच माणसाचं जीवनमान देखील सुधारत चाललं आहे. एके काळी बैलगाडी व सायकल ने दूरवरचा प्रवास करणारा माणूस आज पेट्रोल किंवा डिझेल वर चालणाऱ्या स्वतः च्या दोनचाकी वा चारचाकी वाहनाने प्रवास करत आहे. यामुळे माणसाचं जीवन सुसह्य झालं हे खरं. पण याबरोबरच या वाढत्या वाहनांमुळे मोठ्या प्रमाणात हवेत धूर सोडला जाऊन हवेचे खूप जास्त प्रमाणात प्रदूषण व्हायला लागले आहे. 

त्याचप्रमाणे वाहनांच्या मोठ्या प्रमाणातील आवाजाने ध्वनी प्रदूषण वाढत आहे. परिणामी मानवाला जागतिक तापमान वाढ, ओझोन हास, मानवी आरोग्यावर विपरीत परिणाम यांसारख्या समस्यांना तोंड द्यावे लागत आहे. त्यामुळे माणूस आता वीजेवर चालणाऱ्या वाहनांकडे वळला आहे. वीजेवर चालणारी ही वाहने इ – वाहने म्हणून ओळखली जातात. यामध्ये आज बाजारात इ-बाईक, इ-कार यावर मोठ्या प्रमाणात संशोधन होत आहे व इ वाहने उपलब्ध होत आहेत. वायू – ध्वनी प्रदूषण मुक्त व अत्यंत कमी खर्चिक असल्याने भविष्यातील वाहतूक युग हे या ई- वाहनांचेच असेल.

ई – वाहनांचे फायदे

▪️वायू प्रदूषण मुक्त प्रवास

▪️ध्वनिप्रदूषणापासून सुटका

▪️पेट्रोल-डिझेल वाहनांच्या तुलनेत अत्यंत कमी खर्चिक

▪️कमी अंतरावरील प्रवासासाठी अत्यंत उपयुक्त व परवडणारे वाहन

▪️चालवण्यासाठी पेट्रोल-डिझेल वाहनांपेक्षा सोपी

ई- वाहनांचे फायदे व उपयुक्तता लक्षात घेऊन सांगोले नगरपरिषदेमार्फत जनजागृतीसाठी *इ – बाईक कट्टा* (E Bike katta) तयार करण्यात आला आहे. शहरातील जास्तीत जास्त नागरिकांपर्यंत संदेश शहरातील वर्दळीचे ठिकाण असलेल्या पोहचवता यावा या हेतूने ही कलाकृती डॉ. बाबासाहेब आंबेडकर उद्यानात एका भिंतीवर बनविण्यात आलेली आहे. सिनेस्टाईल भिंत फोइन ई बाईक बाहेर येत असल्याचे सुंदर चित्र रेखाटले असून ही एकूणच कलाकृती आकर्षक असल्याने अल्पावधीतच हा ‘ई- बाईक असल्याने अल्पावधीतच हा ‘ई- बाईक कट्टा” नागरिकांच्या पसंतीस उतरून एक सेल्फी पॉईंट बनला आहे.

सदर ई बाईक कट्टा तयार करण्यासाठी सांगोले नगरपरिषदेचे लेखापरीक्षक श्री. जितेंद्र गायकवाड व त्यांचे सहकारी कर्मचारी यांनी विशेष मेहनत घेतली.

पेट्रोल-डिझेल च्या वाढत्या किमती, त्यांचे असणारे मर्यादित साठे, त्यामुळे होणारे हवा व ध्वनी प्रदूषण हे दुष्परिणाम बघता त्यांना पर्याय म्हणून ई-वाहने नक्कीच उपयुक्त ठरतील. इ- वाहनांवर मोठ्या प्रमाणात संशोधन चालू असून भविष्यात ही वाहने सर्वच आघाडीवर पेट्रोल-डिझेल वाहनांना सरस ठरवून येणारा काळ हा इ वाहनांचाच असेल यात शंका नाही.

कैलास केंद्रे मुख्याधिकारी, सांगोला नगरपरिषद