प्रियकरासोबत भांडण झाल्याने घराबाहेर पडलेल्या २७ वर्षीय महिलेवर बलात्कार!
चाकण: चाकणमध्ये २७ वर्षीय महिलेवर अज्ञात व्यक्तीने बलात्कार केल्याची घटना समोर आली आहे. पीडित महिलेचे प्रियकरासोबत सोबत भांडण झाले होते, त्यानंतर ती चाकणच्या बस स्थानकात आली आणि तिथून एक सुरक्षा रक्षक तिला रूमवर घेऊन गेला. तिथेच अज्ञात व्यक्तीने तिच्यावर बलात्कार केलाचे तिने तक्रारीत म्हटले आहे. या घटनेमुळे चाकण पोलिसांचा गोंधळ उडाला आहे. जो सुरक्षा रक्षक पीडितेला घेऊन गेला होता, त्याने तिच्यावर बलात्कार केलेला नाही, असे पोलिसांचे म्हणणे आहे. ही घटना काल (रविवार) मध्यरात्री घडली आहे. या प्रकरणी २७ वर्षीय पीडित महिलेने चाकण पोलिसांत तक्रार दिली आहे.
प्राप्त माहितीनुसार, लहान मुलासह पीडित महिला आपल्या प्रियकरासोबत राहात होती.परंतु, पीडित महिला सतत फोनवर बोलत असल्याने तिचे आणि प्रियकराचे भांडण झाले. यानंतर ती मुलासह चाकण एसटी बस स्थानकात पोहचली. जास्त वेळ झाल्याने तेथील सुरक्षा रक्षकाने इथे तुम्ही थांबू नका, इथे मद्यपान करणारी व्यक्ती येतात,
तुम्ही घरी जा असे तिला सांगितले. परंतु, मला घरी जायचे नाही असे पीडितेने सांगितले, त्यावर ताई तुम्ही माझ्या रूमवर थांबा असे सुरक्षा रक्षक म्हणाला आणि त्यानंतर दोघे रूमवर गेले तिथे पीडित महिला रुममध्ये आतून कडी लावून मुलासह झोपली. परंतु, अज्ञात व्यक्तीने कशाच्या तरी मदतीने दरवाजाची आतील कडी उघडली आणि पीडितेला जीवे मारण्याची धमकी देत तिच्यावर बलात्कार केला. असे पीडित महिलेने तक्रारीत म्हटले आहे.
दरम्यान, हा अज्ञात व्यक्ती कोण आहे हे अद्याप स्पष्ट झालेले नाही, तसेच सदर घटनेचा शोध पोलीस घेत आहेत. तर, या प्रकरणात पीडित महिला तपासात सहकार्य करत नसल्याचेही चाकण पोलिसांनी सांगितले आहे. त्यामुळे अनेक प्रश्न उपस्थित होत आहेत.
0 Comments