बॉडीबिल्डर सकेत काळे ठरला जुनिअर मिस्टर युनिव्हर्स इंडियन बॉडिबिल्डींग 
अॅड फिटनेस फेडरेशनने दि . १५.१६ व १७ एप्रिल 2022 रोजी बालेवाडी , पुणे येथे
आशिया खंडातील सगळ्यात मोठा बॉडीबिल्डिंग क्रिडा क्षेत्रातील कीडा महोत्सव आयोजीत केला होता .
त्यात नॅशनल चॅम्पीयन महाराष्ट्र श्री बॉडी बिल्डर पुणे विद्यापिठाचा विद्यार्थी संकेत संजय काळे याने ज्युनिअर मिस्टर युनिव्हर्स सिल्वर मेडल ( द्वितीय क्रमांक ) मिळवून क्रीडा जगतामध्ये डोंगरगावचे आणि सोलापूर जिल्हयाचे नाव जगाच्या नकाशात उचावण्याचे अतुलनीय काम केले आहे . या स्पर्धेत जगातील साठ ( 60 ) देशातील बॉडीबिल्डर खेळाडूंचा सहभाग होता त्यामध्ये सकेतने सिल्वर मेडल मिळवल्यामुळे क्रीडा जगतातून आणि क्रीडाप्रेमी कडून बॉडी बिल्डर सकेलवर कौतुकाचा आणि शुभेच्छांचा वर्षाव होतो आहे .
याच स्पर्धेत संकेतने सिनिअर गटात ही मिस्टर युनिव्हर्स चौथे स्थान पटकावले आहे . याच स्पर्धेत बॉडीबिल्डर संकेत काळे यांनी जुनिअर भारत श्री ( Dr. Mr. इंडिया ) सुवर्ण पदक प्राप्त केले आहे . ही स्पर्धा तेरा वर्षानंतर भारतात झाली त्याचा चांगला लाभ संकेतला झाला . या स्पर्धेत भाग घेण्यापूर्वी पनवेल येथे झालेल्या महाराष्ट्र श्री स्पर्धेत सकेतने प्रथम पटकावला आहे
संकेत याने यापूर्वीही राज्यस्तरीय व राष्ट्रीय स्पर्धेत यश संपादन केले आहे . ज्युनियर मिस्टर इंडिया , ज्युनियर महाराष्ट्र श्री . राज्यस्तरीय विद्यापीठ बॉडीबिल्डिंग ९ ० किलो वजनी गटात दोन वेळा सुवर्ण पदक , पुणे विद्यापीठ झोनल स्पर्धेत २ वेळा सुवर्ण पदक , नॅशनल बॉडी २ बिल्डिंग स्पर्धेत दोन वेळा महाराष्ट्राचे प्रतिनिधित्व केले आहे . अनेक जिल्हास्तरीय स्पर्धामध्ये सहभाग व पारितोषिके मिळविली आहेत .
संकेत काळे याच्या परिवाराने त्याला त्याचे इच्छेप्रमाणे ' बॉडी बिल्डिंग क्षेत्रात करियर करण्यास नेहमीच पाठबळ दिले आहे . आतापर्यंत 25 पेक्षा जास्त बॉडीबिल्डिंग स्पर्धेत भाग घेऊन संकेतने पारितोषिके मिळवली आहेत . संकेतने मिळविलेल्या यशाबद्दल त्याच्यावर क्रीडाप्रेमी , शिक्षण प्रेमी , राजकीय आणि सामाजिक स्तरातून कौतुकाचा वर्षाव होत आहे .
0 Comments