सोलापूर :५२ लाखांचा मुद्देमाल फिर्यादींना केला परत

 सोलापूर :५२ लाखांचा मुद्देमाल फिर्यादींना केला परत 

सोलापूर शहरातून चोरीस गेलेला ५२ लाखांचा जप्त मुद्देमाल फिर्यादींना परत देण्याचा कार्यक्रम पोलीस आयुक्तालयात पार पडला. पोलीस आयुक्त हरीश बैजल यांच्या हस्ते फिर्यादींना मुद्देमाल प्रदान करण्यात आला. यावेळी पोलीस उपायुक्त डॉ. वैशाली कडूकर, सहायक पोलीस आयुक्त डॉ. प्रीती टिपरे, माधव रेड्डी, सर्व पोलीस ठाण्यांचे पोलीस निरीक्षक उपस्थित होते.

शहरातील सात पोलीस ठाण्यांच्या हद्दीतून मुद्देमाल चोरीस गेला होता. पोलिसांनी २९ गुन्ह्यातील चोरीस गेलेले सोन्या चांदीचे दागिने, मोबाइल असा ५२ लाख ३२ हजारांचा मुद्देमाल संबंधित फिर्यादींना परत करण्यात आला. यावेळी फिर्यादींच्या चेहऱ्यावर आपल्या किमती वस्तू परत मिळाल्याचा आनंद ओसंडून वाहताना दिसला.