‘या’ तारखेपर्यंत सर्वच प्रार्थनास्थळावरील भोंगे काढा, अन्यथा कारवाई;
नाशिक पोलिसांचा आदेश!
नाशिक: राज्यामध्ये मशिदीवर भोंग्याचा वाद सुरू असताना नाशिकच्या पोलीस आयुक्तांनी आदेश दिले आहेत. नाशिकमधील ३ मे पर्यंत मशीदच नव्हे, तर सर्व धार्मिक स्थळांवरच्या भोंग्यांना परवानगी घ्यावी लागणार आहे. यानंतर पोलिसांकडून कारवाई करण्यात येणार आहे.
नाशिकमध्ये सर्वच प्रार्थनास्थळावर भोंग्यांना पोलिसांची परवानगी घ्यावी लागणार आहे. ३ मे पर्यंत मशीदच फक्त नव्हे, तर सर्वच धार्मिक स्थळांवरच्या भोंग्यांची परवानगी घ्यावी लागणार आहे.
यानंतर जर ३ मे नंतर प्रार्थनास्थळावर विनापरवानगी भोंगे असतील तर त्यावर कारवाई करण्यात येणार आहे. नाशिक पोलिसांच्या आदेशानुसार, मशिदीच्या १०० मीटर परिसरात भोंग्याद्वारे अजानच्या १५ मिनिटे अगोदर आणि अजान संपल्याच्या १५ मिनिटानंतर हनुमान चालीसा, भजन, गाणे किंवा भोंगे वाजवण्यास मनाई करण्यात आली आहे.
नाशिक शहर पोलीस आयुक्तालयाच्या हद्दीमध्ये असणाऱ्या मशीद, मंदिर, गुरुद्वारा, चर्च आणि इतर धार्मिक स्थळ, आस्थापनांना पोलीस आयुक्तांची परवानगी घ्यावी लागणार आहे. लेखी अर्जानंतर भोंगे लावण्याची परवानगी मिळणार आहे. विनापरवानगी भोंगे असलेल्या प्रार्थनास्थळावर कारवाई करण्यात येणार आहे. यामध्ये किमान ४ महिने ते १ वर्षाचा कारावास आणि दंड अशी शिक्षा होऊ शकणार आहे.
0 Comments