बिग ब्रेकिंग : पंतप्रधान नरेंद्र मोदींच्या हत्येचा कट, ‘एनआयए’च्या हाती महत्वाची माहिती

 बिग ब्रेकिंग : पंतप्रधान नरेंद्र मोदींच्या हत्येचा कट, ‘एनआयए’च्या हाती महत्वाची माहिती

राष्ट्रीय पातळीवरुन एक धक्कादायक बातमी समोर येतेय.. भारताचे पंतप्रधान नरेंद्र मोदी यांच्या हत्येचा कट काही दहशतवादी संघटनांनी आखल्याचे उघड झाले आहे.. राष्ट्रीय तपास यंत्रणा, अर्थात ‘एनआयए’ च्या हाती एक महत्वाचा ‘ई-मेल’ लागला असून, त्यात ही बाब समोर आलीय. त्यामुळे देशभर एकच खळबळ उडाली आहे..

‘एनआयए’च्या हाती महत्वाचा ‘ई-मेल’ लागला असून, त्यात असं म्हटलंय, की 20 किलो ‘आरडीएक्स’ तयार असून, या हल्ल्याची योजनाही तयार झाली आहे. तसेच, या ‘ई-मेल’मध्ये अतिरेक्यांच्या ‘स्लीपर सेल’चाही उल्लेख केलेला आहे. शिवाय हा कट उघडकीस येऊ नये, यासाठी आपण आत्महत्या करीत असल्याचं ई-मेल पाठवणाऱ्यानं म्हटलं आहे.

थेट देशाचे पंतप्रधान नरेंद्र मोदी यांच्या हत्येचा कट समोर आल्याने केंद्रीय तपास यंत्रणा खडबडून जाग्या झाल्या आहेत. या कटाचा छडा लावण्यासाठी विविध तपास पथकं तयार करण्यात आली असून, या प्रकरणाचा कसून शोध घेण्यात येत आहे..

20 किलो ‘आरडीएक्स’

सुरक्षा यंत्रणांकडून मिळालेल्या माहितीनुसार, ‘स्लीपर सेल’च्या माध्यमातून पंतप्रधान नरेंद्र मोदी यांची हत्या करण्याचा कट आखण्यात आला होता. त्यासाठी 20 किलो ‘आरडीएक्स’ तयार करण्यात आलं होतं. तसेच, दहशतवादी संघटनांनी 20 स्लीपर सेल तयार केल्याचे समोर आलेय. तपास यंत्रणांच्या हाती महत्वाचा ‘ई-मेल’ लागल्याने हा कट उधळला गेला..

दरम्यान, याआधीही पंतप्रधान मोदी यांच्या हत्येचा कट रचल्याचे समोर आलं होतं. पंतप्रधान मोदी यांच्यासह एकूण 22 प्रमुख व्यक्तींच्या हत्येचा कट रचणाऱ्या 4 संशयित दहशतवाद्यांना तपास यंत्रणांनी काही वर्षांपूर्वी ताब्यात घेतलं होतं. हे आरोपी ‘अल-कायदा’ या दहशतवादी संघटनेशी संबंधीत असल्याचे समोर आले होते..