रेशन कार्डधारकांसाठी आनंदाची बातमी, मोदी सरकारने केली ‘ही’ मोठी घोषणा..
कामाच्या शोधात अनेकांना आपलं गाव सोडावं लागतं.. अनोळखी शहरात गेल्यावर याआधी नव्याने रेशनकार्ड काढावं लागत होतं.. मात्र, आता तसं करण्याची गरज नाही. शहर वा अगदी राज्य बदलण्याची वेळ आली, तरी मूळ गावी काढलेले रेशनकार्ड आता नव्या ठिकाणी चालणार आहे..
देशभरात फक्त एकच शिधापत्रिका लागू करण्यासाठी मोदी सरकारने 2019 मध्ये ‘वन नेशन-वन रेशन कार्ड’ योजना सुरू केली. या योजनेमुळे रेशनकार्ड कोणत्या राज्यात बनवले आहे, याने कोणताही फरक पडणार नाही. मूळ गावी मिळणाऱ्या सुविधा या योजनेमुळे नव्या ठिकाणीही नागरिकांना सहज मिळणार आहेत. दरम्यान, स्वस्त धान्याचा लाभ खऱ्या लाभार्थींनाच मिळावा, रेशनमध्ये होणारे गैरप्रकार टाळण्यासाठी मोदी सरकारने रेशनकार्ड आधार कार्डशी लिंक करण्याच्या सूचना केल्या आहेत. एकदा रेशनकार्ड आधारशी लिंक झाले, की हे रेशनकार्ड कुठेही वैध असणार आहे. सध्या हे काम डिजिटल पद्धतीने केले जात आहे.
आधारकार्ड-रेशनकार्ड लिंकसाठी मुदतवाढ
फेब्रुवारीपर्यंत देशातील 96 टक्के रेशन कार्डधारकांनी ‘एक राष्ट्र-एक रेशन कार्ड’ योजनेत नोंदणी केली आहे. सध्या अनेक राज्यांमध्ये नावनोंदणीचे काम सुरू आहे. हे काम पूर्ण करण्यासाठी 31 मार्चपर्यंत मुदत देण्यात आली होती. मात्र, आता ही अंतिम मुदत 30 जूनपर्यंत वाढवण्यात आली आहे.राष्ट्रीय अन्न सुरक्षा कायद्यांतर्गत, स्थलांतरित लोकांसाठी, जे त्यांच्या तात्पुरत्या कामाच्या ठिकाणी रेशनपासून वंचित आहेत, त्यांच्यासाठी आधार कार्ड हे रेशनकार्डशी लिंक करणं महत्त्वाचं आहे. कारण, त्यानंतरच कोणत्याही ठिकाणी रेशनचा लाभ घेता येणार आहे..
असे करा लिंक
– सर्वप्रथम uidai.gov.in या अधिकृत वेबसाइटवर जा.
– आता तुम्ही ‘Start Now’ वर क्लिक करा.
– येथे तुम्हाला तुमचा पत्ता भरावा लागेल.
– नंतर Ration Card Benefit या पर्यायावर क्लिक करा.
– आता तुमचा आधार कार्ड क्रमांक, रेशन कार्ड क्रमांक, ई-मेल एड्रेस आणि मोबाईल क्रमांक आदी माहिती भरा.
– नंतर तुमच्या नोंदणीकृत मोबाईल नंबरवर ओटीपी (OTP) येईल.
– ओटीपी भरल्यानंतर स्क्रीनवर प्रक्रिया पूर्ण झाल्याचा मेसेज मिळेल.
– ही सर्व प्रक्रिया पूर्ण होताच, तुमचा आधार व्हेरिफाय होईल आणि तुमचं आधार कार्ड हे रेशन कार्डशी लिंक केलं जाईल.
0 Comments