भयंकर घटना ! अकरा वर्षांच्या मुलाकडून १० वर्षांच्या मुलीवर बलात्कार…

 भयंकर घटना ! अकरा वर्षांच्या मुलाकडून १० वर्षांच्या मुलीवर बलात्कार…

नांदेड दि. १७ जानेवारी-: अकरा वर्षाच्या मुलाने दहा वर्षाच्या मुलीवर बलात्कार केल्याची अती भयंकर तसेच समाजाला आत्मचिंतन करणारी घटना घडली आहे.

याबाबत सविस्तर माहिती अशी की नांदेड जिल्ह्यातील लिंबगाव पोलीस ठाण्याच्या हद्दीत अवघ्या अकरा वर्षाच्या मुलाने दहा वर्षाच्या मुलीवर बलात्कार केल्याचा आरोप होत आहे आहे. या मुलाने शेजारच्या मुलीला घराच्या पाठीमागे नेऊन तिच्यावर अत्याचार केले. यामुळे संपूर्ण नांदेड जिल्ह्यात मोठी खळबळ उडाली आहे.

कोरोनामुळे शाळकरी मुलांचे ऑनलाईन शिक्षण सुरु आहे.अशातच एक भयंकर घटना नांदेड जिल्ह्यातील लिंबगाव पोलीस ठाण्याच्या हद्दीत घडली. अवघ्या अल्पवयीन मुलाच्या अत्याचाराला बळी पडलेली पीडितेच्या हातात नकळत इंटनेट आल्यामुळे हा भयावह प्रकार घडल्याची भीती व्यक्त केली जात आहे. अल्पवयीन पीडितेच्या पालकांच्या तक्रारीवरुन पोलिसांनी गुन्हा दाखल केला आहे.

इंटरनेटच्या सहज उपलब्धतेमुळे कोवळ्या बालमनावर दुष्परिणाम वाढल्याची भीती या घटनेमुळे व्यक्त होत आहे. दरम्यान, या अनपेक्षित घटनेमुळे पोलीस देखील चक्रावून गेले असून या प्रकरणाचा तपास सुरु आहे.

तज्ज्ञ मंडळी तपास कामात या प्रकरणातील मुलगा आणि मुलगी एकमेकांच्या शेजारी राहत होती, तसेच ऑनलाईन शिक्षणासाठी देखील एकत्र येत असत, अशी माहिती आहे. अत्याचाराच्या घटनेनंतर मुलीने त्रास होत असल्याचे घरच्यांना सांगितले,तेव्हा हा प्रकार उघडकीस आला,

 असे पोलिसांनी सांगितले मुलांकडून हा अपराध अजाणतेपणाने झाला की त्याने जाणीवपूर्वक हा गुन्हा केला, याचा तपास करणे या गुन्ह्यातील सर्वत मोठे आव्हान आहे. त्यासाठी पोलीस बालरोग तज्ज्ञ डॉक्टरांसह मानसोपचार तज्ज्ञांची मदत घेत आहेत.

यातील अत्याचाराचा आरोप असलेल्या मुलाचे वय अवघे अकरा वर्षं असल्याने त्याचा पोलीस तपास पूर्ण झाल्या नंतरच कायदेशीर कारवाई होणार आहे. सध्या पोलिसांनी मुलीच्या पालकांच्या तक्रारीनंतर गुन्हा दाखल केला आहे.विशेष म्हणजे या गुन्ह्याच्या तपासासाठी तज्ज्ञ अशा वकिलांची देखील मदत घेण्यात येत आहे. प्रकरण अतिभयानक आणि समाजाला आत्मचिंतन करणारे असल्याने संपूर्ण नांदेड जिल्ह्यात मोठी खळबळ उडाली आहे.