खळबळजनक ! नववीत शिकणाऱ्या मुलीची आत्महत्या ; सुसाईड
टवाळखोर मुलांच्या छेडछाडीला कंटाळून नववीत शिकणाऱ्या मुलीने आत्महत्या केल्याची खळबळजनक घटना पुणे जिल्ह्यातील इंदापूर तालुक्यातील बोरी गावात घडली आहे. ही घटना बुधवारी (दि.12) सायंकाळी पाच वाजण्याच्या सुमारास घडली.
याप्रकरणी भवानीनगर पोलीस चौकीत तिघांविरोधात गुन्हा दाखल केला आहे.सिद्धी गजानन भिटे (रा. बोरी, ता. इंदापूर) असे आत्महत्या केलेल्या मुलीचे नाव आहे. याप्रकरणी गणेश संतोष कुचेकर यश अरुण गरगडे व एका अल्पवयीन मुलावर गुन्हा दाखल करण्यात आला आहे. सिद्धीने आत्महत्या करण्यापूर्वी चिठ्ठी लिहून ठेवली असून यामध्ये आरोपींची नावे लिहिली आहेत. पोलिसांनी तिघांविरुद्ध आत्महत्येस प्रवृत्त केल्याचा गुन्हा दाखल केला आहे.
पोलिसांनी दिलेल्या माहितीनुसार, सिद्धी भिटे ही गावातील हायस्कूल मध्ये नववीच्या वर्गात शिकत होती.
ती शाळेत असताना गावातील तीन टवाळखोर मुले तिची छेड काढत असल्याची माहिती समोर आली आहे.
मुलांच्या टवाळखोरी छेडछाडीला कंटाळून सिद्धीने बुधवारी सायंकाळी आपल्या राहत्या घरी गळफास घेऊन आत्महत्या केली.
आत्महत्येपूर्वी लिहिली चिठ्ठी
सिद्धीने आत्महत्या करण्यापूर्वी चिठ्ठी लिहून ठेवली आहे. यामध्ये तिने ‘मला माहित आहे माझं चुकतय, पण आई-वडिलांच्या प्रतिमेला धक्का लागू नये म्हणून आत्महत्या करत असून गावतल्या ‘अब्या’मुळे आत्महत्या करीत आहे’ असे चिठ्ठीत लिहिले आहे.
याप्रकरणी तिचे वडिल गजानन भिटे यांनी भावनीनगर पोलिसांकडे तक्रार केली आहे.
पुढील तपास फौजदार नितीन लकडे करीत आहेत.
0 Comments