काय सांगता? आता माणूस तब्बल 180 वर्ष जगणार! दीर्घायुष्य देणारी संजीवनी सापडली?
नवी दिल्ली – विज्ञानाचं युग आल्यानंतर औषधांचा शोध लागत गेला. त्यामुळे माणसाच्या दीर्घकाळ जगण्याची शक्यताही वाढत गेली. पूर्वी अनेक रोगांची लोकांना माहिती नव्हती. त्यामुळं त्यावरील उपचारांअभावी अनेकांचा मृत्यू होत असे. आता अत्यंत दुर्धर रोगांवरही औषधोपचार विकसित झाल्यानं माणसाची जगण्याची वयोमर्यादा वाढली आहे. आजकाल 70-80 वर्षे लोक सहज जगतात. मात्र आता माणूस चक्क 180 वर्षांपर्यंत जगू शकेल असा दावा शास्रज्ञांनी केला आहे.
दावा करणारे शास्त्रज्ञ काय म्हणाले?
कॅनडातील संशोधक लियो बेल्जिल यांनी हा दावा केला आहे. अर्थात संशोधनाअंती पुढील शतकापर्यंत हे जगण्याचं नवं तंत्र विकसित होईल असंही त्यांनी यावेळी सांगितलं आहे. लियो बेल्जिल यांच्या म्हणण्यानुसार पुढील शतकात म्हणजेच 2100 मध्ये माणूस तब्बल 180 वर्षांपर्यंत जगू शकतो. तर या शतकाच्या अखेरीस माणसाचं सरासरी आयुष्य 130 वर्ष असेल.
दीर्घकाळ जगण्यासाठी काय करावं लागणार?
मात्र दीर्घकाळ जगण्यासाठी लोकांना वेगवेगळ्या शस्त्रक्रिया कराव्या लागतील. माणसाचं सरासरी आयुष्य वाढलं तरी शारीरिक मर्यादेमुळे त्यांना फारसं काम करता येणार नाही, स्वाभाविकच त्यांच्या संगोपनाच्या खर्चाचा ताण सरकारवर येईल. विशेष बाब म्हणजे जगातील सर्वात श्रीमंत व्यक्ती जेफ बेजोस यांनी यापूर्वीच असे प्रयत्न सुरू केले आहेत. चिरतरूण राहण्यासाठी त्यांच्या अल्टोस लॅबमध्ये प्रयोग सुरू आहेत.
….तर आयुष्य कमी पडणार नाही
ग्लॅक्सोस्मिथक्लाइन कंपनीचे शास्त्रज्ञ हॅल बेरॉन यांच्यावर या लॅबची धुरा सोपवण्यात आली आहे. विज्ञान आणि तंत्रज्ञानाच्या जोरावर माणसानं वैद्यकीय क्षेत्रात क्रांती घडवली आहे. त्यामुळे माणसाच्या दीर्घायुष्याचं संशोधनही प्रगत झालं तर जगायला आयुष्यही कमी पडणार नाही.
0 Comments