पिकविमा योजनेच्या लाभापासून एकही शेतकरी वंचित राहणार नाही : कृषीमंत्री भुसे

 पिकविमा योजनेच्या लाभापासून एकही शेतकरी वंचित राहणार नाही : कृषीमंत्री भुसे

 याप्रसंगी ... सांगोला तालुक्याचे आमदार शहाजीबापू पाटील साहेब , मा.आ.दिपकआबा साळुखे - पाटील , पंचायत समिती सभापती राणी कोळवले , माजी नगराध्यक्ष रफिक नदाफ , प्रबुद्धचंद्र झपके , उद्योगपती श्री.भाऊसाहेब रुपनर , जिल्हाप्रमुख संभाजीराजे शिंदे , प्रांताधिकारी आप्पासाहेब समिंदर , तहसीलदार अभिजीत पाटील , विभागीय कृषी सहसंचालक बसवराज बिराजदार , जिल्हा अधीक्षक कृषी अधिकारी बाळासाहेब शिंदे , उपविभागीय कृषी अधिकारी सर्जेराव तळेकर , तालुका कृषी अधिकारी राजेंद्र पवार , शिवाजी शिंदे , उपस्थित होते . . पवार , शिवाजी शिंदे , उपस्थित होते . 

सोलापूर जिल्ह्यात पावसाने मोठ्या प्रमाणात पिकांचे नुकसान झाले आहे . पीक विम्याबाबत योग्य पद्धतीने कार्यवाही करून एकही शेतकरी लाभापासून वंचित राहणार नाही . याची दक्षता संबंधितांनी घ्यावी , असे आदेश राज्याचे कृषिमंत्री दादा भुसे यांनी शनिवारी ( ता . 25 ) दिले . सांगोला तालुक्यातील अजनाळे येथे सोलापूर जिल्ह्यातील रिसोर्स फार्मर्स आणि पीक स्पर्धा विजेते शेतकर्यांसोबत परिसंवाद झाला . नुकसानग्रस्त शेतकऱ्यांना तातडीने फळ पीक विम्याची रक्कम देण्याबाबत विमा कंपन्यांनी कार्यवाही करावी . नुकसानग्रस्त शेतकऱ्यांच्या शेतात पिकांचे पंचनामे करण्याच्या सूचना यापूर्वीच देण्यात आल्या आहेत . नुकसानग्रस्त एकही शेतकरी नुकसान भरपाईपासून वंचित राहणार नाही याची दक्षता घ्यावी , असे मंत्री भुसे यांनी सांगितले . 

अतिवृष्टी व गारपिटीमुळे द्राक्ष बागांचे नुकसान होऊ नये यासाठी कृषी विद्यापीठाला अभ्यास करण्याची जबाबदारी दिली जाईल . यावर शास्त्रीय व तांत्रिक पद्धतीने अभ्यास करून सुधारित तंत्रज्ञानाचा वापर करण्यात येईल . सांगोला तालुक्यात मोठ्या प्रमाणात डाळिंब उत्पादन घेतले जाते . डाळिंबवर तेल्या , मर आणि कुजवा या रोगामुळे शेतकऱ्यांचे मोठे नुकसान झाले आहे . या नुकसानग्रस्त पिकांची डाळिंब संशोधन केंद्राने पाहणी करावी . यावर कोणत्या उपाययोजना कराव्यात याबाबत शेतकऱ्यांना मार्गदर्शन करावे , यासाठी सरकारकडून आवश्यक ते सहकार्य करण्यात येईल , असेही आश्वासन कृषी मंत्री भुसे यांनी दिले . सांगोला तालुक्यातील अतिवृष्टी आणि तेल्यामुळे नुकसान झालेल्या पिकांची शेतकऱ्यांना भरपाई मिळावी , अशी मागणी आमदार शहाजी पाटील यांनी केली . सांगोला येथे मध्यवर्ती प्रयोगशाळा व्हावी , अशी मागणी माजी आमदार दीपक साळुखे- पाटील यांनी केली .   

यावेळी पीक स्पर्धा विजेते शेतकऱ्यांचा सन्मान उपस्थित मान्यवरांच्या हस्ते करण्यात आला . कृषिमंत्री भुसे यांनी शेतकऱ्यांच्या बांधावर जाऊन शेत पिकांची पाहणी करत शेतकऱ्यांशी संवाद साधला . यावेळी त्यांनी बामणी येथील शेतकरी सदाशिव साळुखे यांच्या ड्रॅगन फ्रुट पिकाची पाहणी केली . तर यलमार मंगेवाडी येथे राजेंद्र यलपले यांच्या द्राक्ष बागेची पाहणी केली . तसेच अजनाळे येथील तेल्या , मर आणि कुजवा या रोगामुळे नुकसान झालेल्या डाळिंब पिकाची पाहणी करून याबाबत संबंधित अधिकाऱ्यांना आवश्यक त्या सूचना दिल्या .