सांगोल्यातील धक्कादायक घटना ; प्रॉपर्टीच्या वादातून झालेल्या मारहाणीत जखमी व्यक्तीचा उपचारादरम्यान मृत्यू ; पत्नी व मुलावर खुनाचा गुन्हा दाखल !
सांगोला / प्रतिनिधी ; - पत्नी आणि पोटच्या मुलाने मिळून प्रॉपर्टीच्या वादातून काठीने छातीवर पोटावर , हात , पायावर मुक्का मार दिल्याने गंभीर जखमी झालेल्या व्यक्तीचा दि . १४ सप्टेंबर रोजी दुपारी २:३० च्या सुमारास पुणे येथील ससून हॉस्पिटल मध्ये मृत्यू झाला आहे . ७ सप्टेंबर रोजी मुजावर गल्ली , सांगोला येथे हि मारहाणीची घडली होती . . रज्जाक इस्माईल मुजावर -५१ असे मृताचे नाव आहे याबाबत शालन नामदेव अडसूळ रा.दत्तनगर टेंभुर्णी ता . माढा हिने दि .१४ सप्टेंबर रोजी पुणे येथील बंडगार्डन पोलीस स्टेशनला फिर्याद दिली . पोलिसांनी पत्नी रिहाना रज्जाक मुजावर व त्यांचा मुलगा जुनेद रज्जाक मुजावर दोघेही रा.मुजावर गल्ली , सांगोला याच्याविरुद्ध भादंवि कलम ३०२ अन्वये खुनाचा गुन्हा दाखल केला आहे . हा गुन्हा बंडगार्डन पोलीस स्टेशनकडून काल बुधवारी शून्य क्रमांकाने सांगोला पोलीस
स्टेशनला वर्ग झाला आहे . मृत रज्जाक इस्माईल मुजावर यांचेकडे गेल्या चार वर्षापासून शालन नामदेव अडसूळ ही घरकाम करीत होती . तिचे आणि रज्जाकचे जुळलेल्या प्रेम संबंधाबद्दल पत्नी रिहाना व मुलगा जुनेद यांना समजले होते म्हणून त्यांनी तिला कामावरून काढून टाकले होते . त्यानंतर ती तिची बहिण रेश्मा लोखंडे हिच्या कडे टेंभुर्णीला राहत होती दरम्यानच्या काळात रज्जाक मुजावर तिच्याकडे टेंभुर्णीला ये जा करीत होता.दरम्यान ७ सप्टेंबर रोजी दुपारी ३ च्या सुमारास रज्जाक मुजावर तिच्या घरी येऊन बायको रिहाना व मुलगा जुनेद या दोघांनी मिळून मला प्रॉपर्टी मिळवण्यासाठी ७ सप्टेंबर रोजी राहत्या घरी काठीने मारहाण केली असून मला दवाखान्यात घेऊन चल असे म्हणाला तिने टेंभूर्णी येथील खाजगी रुग्णालयात उपचाराकरिता घेऊन गेली असता त्याला बरे वाटले नाही म्हणून त्याने तिला मला पुणे येथील चांगल्या दवाखान्यात उपचारासाठी घेऊन चल असे म्हणाला .शालन अडसूळ हिने त्यास पुणे येथील ससून हॉस्पिटलमध्ये दाखल केले असता त्याचा उपचारादरम्यान १४ सप्टेंबर रोजी दुपारी अडीचच्या सुमारास मृत्यू झाला . तपास पोलिस निरीक्षक सुहास जगताप करीत आहेत .
0 Comments