यु ट्यूबसह ऑनलाईन पोर्टलसाठी सरकारी जाहिराती सुरू करा अखिल भारतीय मराठी पत्रकार परीषदेचे मुख्य विश्‍वस्त एस.एम.देशमुख यांची मागणी

यु ट्यूबसह ऑनलाईन पोर्टलसाठी सरकारी जाहिराती सुरू करा अखिल भारतीय मराठी पत्रकार परीषदेचे मुख्य विश्‍वस्त एस.एम.देशमुख यांची मागणी

उरुळी कांचन : महाराष्ट्र सरकारने डिजिटल मिडियासाठी पुरस्कार सुरू केला आहे त्याच धर्तीवर युट्यूब चॅनल्स आणि पोर्टलसाठी सरकारी जाहिराती सुरू कराव्यात, अशी मागणी अखिल भारतीय मराठी पत्रकार परिषदेचे मुख्य विश्‍वस्त एस.एम.देशमुख यांनी केली आहे. अखिल भारतीय मराठी पत्रकार परीषदेने महाराष्ट्र सोशल मिडिया परीषद नावाचा एक स्वतंत्र सेल सुरू केला आहे. त्याच्या तालुका आणि जिल्हा स्तरावर शाखा सुरू करण्यात येत आहेत. पुणे जिल्ह्यातील दौंड आणि हवेली तालुका शाखेचा शुभारंभ शनिवारी एस.एम.देशमुख यांच्या हस्ते उरुळी कांचन येथील मेमाणे फार्म वर करण्यात आला. यावेळी पुणे जिल्हाप्रमुख म्हणून जनार्दन दांडगे यांची नियुक्ती करण्यात आली.

सरकाने जाहिरातीच्या माध्यमातून आधार देण्याची गरज

आपल्या भाषणात एस.एम.देशमुख म्हणाले, पुढील काळ हा डिजिटल मिडियाचा आहे. आज महाराष्ट्रातील प्रत्येक तालुक्यात किमान 50 चॅनल्स किंवा पोर्टल्स सुरू आहेत.. राज्यातील 350 तालुक्याचा हिशोब करता राज्यात 17 हजार 500 चॅनल्स, पोर्टल्स कार्यरत आहेत. यातील अनेक चॅनल्सकडे एक लाख किंवा त्यापेक्षा जास्त सबस्क्रायबर आहेत अशा सर्व चॅनल्सना प्रिंट आणि इलेक्ट्रॉनिक माध्यमांप्रमाणेच जाहिराती मिळाल्या पाहिजेत, नव्या दमाचे तरूण पत्रकार या माध्यमात कार्यरत असले तरी स्वतःच्या खिशाला तोशीष लावून हे सर्व जण पत्रकारीता करीत आहेत.. त्यांना सरकारने जाहिरातीच्या माध्यमातून आधार देण्याची गरज आहे..

आर.एन.आय. प्रमाणे चॅनल्ससाठी स्वतंत्र नोंदणी व्यवस्था तयार करून डिजिटल माध्यमांना अधिकृत मान्यता दिली जावी. पुढील काळात या माध्यमाचा होणारा विस्तार लक्षात घेऊन काही अटी व शर्थीच्या अधीन राहून या माध्यमातील पत्रकारांना अधिस्वीकृती आणि शासकीय योजनांचा लाभ मिळावा अशीमागणी देखील एस.एम.देशमुख यांनी केली आहे.

तर स्पर्धेत टिकणे कठीण

डिजिटल माध्यमांना सरकार आणि समाज मान्यता नाही. ती मिळवायची असेल तर या माध्यमाने आपली विश्वासार्हता वाढविली पाहिजे, असे आवाहन करतानाच एस.एम.देशमुख यांनी पत्रकारांना नवीन तंत्रज्ञान आत्मसात करण्याचे आणि आपले वेगळेपण जपण्याचे आवाहन केले, सोशल मिडिया प्रत्येकाच्या हाती असल्याने प्रत्येक व्यक्तीच आज पत्रकाराच्या भूमिकेत आहे त्यामुळे आपण काही वेगळे दिले नाही तर स्पर्धेत टिकू शकणार नाही, असा इशारा देखील एस.एम.देशमुख यांनी दिला. महाराष्ट्र सोशल मिडिया परिषदेच्या शाखा राज्यात सर्व जिल्ह्यात आणि तालुक्यात सुरू करण्यात येणार आहेत.. या संघटनेत काम करू इच्छिणार्‍या डिजिटल मिडियातील पत्रकारांनी परिषदेकडे संपर्क साधावा, असे आवाहन एस.एम.देशमुख यांनी केले.

यांची होती उपस्थिती

यावेळी मराठी पत्रकार परीषदेचे कार्याध्यक्ष शरद पाबळे, सोशल मिडिया परिषदेचे राज्य प्रमुख बापूसाहेब गोरे, एम.जी.शेलार, राजेंद्र काळभोर, रवींद्र खोरकर, गणेश सातव, दीपक पवार यांची भाषणे झाली. प्रास्ताविक सुनील जगताप यांनी केले. कार्यक्रमास पुणे जिल्हा मराठी पत्रकार संघाचे अध्यक्ष सुनील लोणकर, समन्वयक सुनील जगताप, परीषद प्रतिनिधी एम.जी.शेलार, पुणे जिल्हा सोशल मीडिया परीषद अध्यक्ष जनार्दन दांडगे, राज्य संघटक सुनील वाळुंज, हवेली तालुकाध्यक्ष राजेंद्र काळभोर , दौंड तालुका पत्रकार संघ अध्यक्ष रवींद्र खोरकर, पिंपरी-चिंचवड पत्रकार संघाचे अध्यक्ष अनिल वडघुले, पुरंदर तालुका पत्रकार संघाचे अध्यक्ष राहूल शिंदे, हवेली तालुका सोशल मीडिया परीषद अध्यक्ष गणेश सातव, दौंड तालुका सोशल मीडिया परीषद अध्यक्ष दीपक पवार, ज्येष्ठ सल्लागार तुळशीराम घूसाळकर, प्रभाकर क्षिरसागर, दादाराव आढाव, किशोर मेमाणे, सुखदेव भोरडे, जितेंद्र आव्हाळे, रमेश वत्रे, दत्ता नाना भोंगळे, जयदीप जाधव, अमोल भोसले, के.डी.गव्हाणे, जिल्हा प्रसिध्दी प्रमुख भरत निगडे आदी मान्यवरांसह जिल्ह्यातील पत्रकार उपस्थित होते.