' ... तर निर्बंध कडक करण्याची वेळ ' , कोरोनाच्या तिसऱ्या लाटेबाबत मुख्यमंत्र्यांनी व्यक्त केली भीती
मुंबई :कोरोनाची दुसरी लाट ओसरत असताना कोरोनाच्या संभाव्य तिसऱ्या लाटेचा धोका ओळखून शासनाने पाऊले उचलण्यास सुरुवात केली आहे . आवश्यक ते औषधे , वैद्यकीय उपकरणे यांची उपलब्धता राहील तसेच ग्रामीण भागातही याचा मोठ्या प्रमाणात साठा राहील हे पाहण्याच्या सूचना मुख्यमंत्री उद्धव ठाकरे आहेत . ते टास्क फोर्समधील डॉक्टर्स , वरिष्ठ अधिकारी यांच्या समवेत झालेल्या बैठकीत बोलत होते .आपण दोन महिन्यात तिसऱ्या लाटेला सामोरे जाऊ मुख्यमंत्री उद्धव ठाकरे ठाकर म्हणाले , टास्क फोर्सच्या डॉक्टर्सनी राज्यभर सिरो सर्व्हेक्षण करावे . मोठ्या मोठ्या प्रमाणावर लसीकरण पूर्ण करण्यावर भर देताना निर्बंधांचे पालन काटेकोरपणे होणे आवश्यक असल्याचे मुख्यमंत्री म्हणाले . गर्दी वाढली आणि आरोग्याचे नियम पाळले गेले नाहीत तर दुसऱ्या लाटेतून सावरता सावरता आपण महिन्या दोन महिन्यात तिसऱ्या लाटेलाही सामोरे जाऊ , अशी भीती त्यांनी व्यक्त केली .दुसऱ्या लाटेने बरेच काही शिकवलं पहिल्या लाटेच्या वेळेस आपल्याकडे सुविधांची कमी होती , त्यात आपण वाढ करीत गेलो , दुसऱ्या लाटेने देखील आपल्याला बरेच काही शिकवलं आहे , असेही मुख्यमंत्र्यांनी सांगितले . तसेच ही लाट ओसरत असताना त्यातील अनुभवातून आपल्याला आवश्यक ती औषधी , आरोग्य सुविधा , बेड्स, ऑक्सिजन, उपलब्धता या गोष्टींकडे लक्ष केंद्रीत करावे लागणार आहे . ऑगस्ट - सप्टेंबर पासून देशाला 42 कोटी लसी मिळताहेत अशी माहिती त्यांनी यावेळी दिली . त्याचा लसीकरण हा लढाईचा महत्त्वाचा भाग देशाला लसींचा पुरवठा होत असल्याने फायदा महाराष्ट्रालाही होईल . लसीकरण हा लढाईतील महत्त्वाचा भाग असल्याचे मुख्यमंत्र्यांनी सांगितले . तरी आरोग्य विषयक नियमांचे पालन करणे . मास्क याघालणे , सुरक्षित अंतर ठेवणे हे आवश्यक आहे . या बैठकीत पुढच्या काळात लागणारी संभाव्य औषधे , त्यांची खरेदी , त्यासाठी लागणारा निधीची तरतूद , आरटीपीसीआर कीट , मास्क , पीपीई किट्स , अशा बाबींवर सविस्तर चर्चा झाली .
0 Comments