सांगोले शहरातील आजपासून अत्यावश्यक सेवेतील दुकाने सकाळी ७ ते ११ सुरू राहणार ; पहा काय सुरू आणि काय बंद !

 सांगोले शहरातील सर्व नागरिकांना याद्वारे कळविण्यात येते कि , कोरोना व्हायरस प्रतिबंधात्मक उपाययोजना अंतर्गत महाराष्ट्र शासन व मा.जिल्हाधिकारीसो सोलापूर यांनी दिनांक 31 मे 2021 रोजी नवीन नियमावली जारी केलेली असून

सदर नियम दिनांक 1 जून 2021 चे सकाळी 7.00 पासून 15 जून 2021 चे सकाळी 7.00 वा . पर्यत लागू राहतील . 1. सर्व किराणा दुकाने , भाजीपाला दुकाने , फळांची दुकाने , डेअरी , बेकरी , मिठाई , आणि सर्व प्रकारच्या खाद्य पदार्थांची दुकाने ( चिकन , मटन , कोंबड्या , मासे व अंडी यांचेसह ) पाळीव प्राण्यांचे खाद्याची दुकाने सकाळी 7.00 ते 11.00 वाजेपर्यंत सुरु राहतील . अत्यावश्यक सेवेतील दुकानांत काम करणाऱ्या सर्वानी कोरोना विषयक सर्व सूचनांचे तंतोतंत पालन करणे आवश्यक राहील , 2. रस्त्यावरील खाद्यपदार्थ विक्रेत्यांना फक्त पार्सल सेवा व घरपोच सेवा सकाळी 7.00 ते रात्री 8.00 या वेळेत सर्व दिवशी सुरु राहतील . विक्रेत्यांनी नागरिकांना रस्त्यावर खाद्यपदार्थ खाण्यास देऊ नये . 3. कृषी निगडीत सेवा आणि कृषी उत्पादन विषयक सर्व सेवा सुरळित सुरु राहण्यासाठी बियाणे , खते , कृषी अवजारे व त्यांची दुरुस्ती त्यांचेशी संलग्न सर्व उपक्रम चालु राहतील . सदर आस्थापनांची वेळ सकाळी 7.00 ते दुपारी 2.00 वाजेपर्यंत राहील . 4. सर्व वकीलांची कार्यालये , मायक्रो फायनान्स संस्था , नॉन बँकींग वित्तीय महामंडळे , इन्श्युरन्स । मेडिक्लेम कंपन्यांची कार्यालये , खाजगी बँका तसेच ई - कॉमर्स सेवा अत्यावश्यक सेवा देणेसाठीच चालू राहतील . 5. हॉटेलच्या आतील आवारामध्ये वास्तव्यास असलेल्या प्रवाशांसाठीचे रेस्टॉरंट आणि बार वगळता सर्व रेस्टॉरंट आणि बार बंद राहतील . तथापि , हॉटेल मध्ये फक्त होम डिलीव्हरी आणि पार्सल सेवा चालू राहतील . 6. वृत्तपत्रे छपाई व वितरण सुरु राहील , 7. शहरातील सर्व हेअर कटिंग सलून , स्पा , ब्युटीपार्लर हे बंद राहतील , 8. सर्व प्रकारचे धार्मिक , सामाजिक , राजकीय , सांस्कृतिक कार्यक्रम यांचेवर बंदी असेल , 9. शासकीय कार्यालयात शासकीय कर्मचारी वगळून इतर नागरिकांना प्रवेश नसेल . 10. सर्व धर्मीय प्रार्थनास्थळे हे संबंधित भक्तांसाठी बंद राहतील . तथापि सदर प्रार्थनास्थळात सेवा करणारे पुजारी इत्यादींना दैनंदिन धार्मिक विधी करता येतील .11.ज्या ठिकाणी बांधकामाच्या ठिकाणीच कामगार राहत आहेत अशा बांधकामांना परवानगी देण्यात येत आहे , बाहेर बांधकाम साहित्य आणण्याच्या व्यतिरिक्त बांधकामाच्या ठिकाणी कामगारांना आणने आणि नेणे टाळण्यात यावे . 12. सार्वजनिक उद्याने , मैदाने , सिनेमा हॉल , नाटयगृहे , सभागृहे , वॉटर पार्क , मनोरंजन पार्क , क्रीडा संकुले , जलतरण तलाव , क्लब , व्यायामशाळा , व्हिडीओ गेम पार्लर , चित्रीकरण पुर्णपणे बंद राहतील . 13. शाळा व महाविद्यालये बंद राहतील . 14. सर्व प्रकारचे खाजगी शिकवणी वर्ग ( कोचींग क्लास ) बंद राहतील . 15. अत्यावश्यक सेवा व वित्तीय संस्था वगळून उर्वरित सर्व खाजगी अस्थापना बंद राहतील . 16. सर्व नागरिकांनी मास्क , सुरक्षित अंतरांचे पालन करणे बंधनकारक आहे . अन्यथा निश्चित केल्यानुसार दंडात्मक कारवाई करण्यात येईल . तसेच संबंधित आस्थापना तात्काळ बंद करणेत येतील . 17. अत्यावश्यक सेवा देणा - या आस्थापनामधील कर्मचारी व येणारे गि - हाईक यांनी कोरोना विषयक सुचनांचे पालन न केल्यास प्रति व्यक्ती 500 रु . दंड व संबंधित आस्थापनेला 1000 रु . दंड आकारण्यात येईल . 18. रस्त्यावरील खाद्य विक्रेत्यांनी नियमांचे उल्लंघन केल्यास ग्राहक आणि विक्रेता यांना प्रत्येकी 500 रू.दंड आकारण्यात येईल . 19. हॉटेल , रेस्टॉरंट तसेच विवाहस्थळी कार्यक्रमामध्ये नियमांचे उल्लंघन केल्यास प्रति व्यक्तीस 1000 रु तर संबंधित आस्थापनेस 10,000 रु दंड आकारण्यात येईल . 20. खाजगी वाहतूक ही फक्त अत्यावश्यक कारणांसाठीच चालू राहतील . नियमांचे उल्लंघन केल्यास 1000 रु दंड आकारण्यात येईल . 21. सार्वजनिक वाहतुकीचा वापर करताना व चार चाकी वाहनाचा वापर करताना मास्क न वापरल्यास प्रत्येकी 500 रु . दंड आकारण्यात येईल . 22.सर्व आस्थापना मालक व कर्मचारी यांनी ग्रामीण रुग्णालयात जाऊन कोरोना चाचणी करुन त्याचे प्रमाणपत्र सोबत बाळगणे आवश्यक आहे . अन्यथा सदरची आस्थापना तात्काळ बंद करण्यात येईल .