राष्ट्रीय आरोग्य अभियान अंतर्गत महाराष्ट्र शासनाकडून सांगोला तालुक्यासाठी नॅशनल मोबाईल मेडीकल युनिट मंजूर-आमदार शहाजीबापू पाटील. 8 जुन2021 मंगळवारी, खवासपूर येथे होणार लोकार्पण सोहळा
सांगोला तालुक्यासाठी राष्ट्रीय आरोग्य अभियान अंतर्गत महाराष्ट्र शासनाकडून नॅशनल मोबाईल मेडीकल युनिट म्हणजेच अद्यावत फिरता दवाखाना मंजूर झाल्याची माहिती आमदार शहाजीबापू पाटील साहेब यांनी दिली. आज मंगळवार दि. ८ जून रोजी खवासपूर येथे या मोबाईल मेडीकल युनिटचा लोकार्पण सोहळा सकाळी ११ वाजता होणार आहे.
महाराष्ट्र शासनाकडून प्रत्येक जिल्ह्याला एक असे एकूण ३३ फिरते दवाखाने मंजूर केली असून सोलापूर जिल्ह्यासाठी मंजूर असलेले मोबाईल मेडीकल युनिट मुख्यमंत्री उद्धवजी ठाकरे यांच्या आदेशानुसार सांगोला तालुक्याला दिले असल्याची माहिती आमदार शहाजीबापू पाटील साहेब यांनी दिली.या मेडिकल युनिटचा लोकार्पण सोहळा मौजे खवासपूर येथे मंगळवार दि ८ रोजी सकाळी ११ वाजता संपन्न होणार आहे यासाठी माजी आमदार दीपक आबा साळुंखे पाटील, चंद्रकांत दादा देशमुख, भाऊसाहेब रुपनर यांच्यासह प्रांताधिकारी उदयसिंह भोसले, तहसीलदार अभिजीत पाटील, गट विकास अधिकारी संतोष राऊत, तालुका वैद्यकीय अधिकारी सीमा दोडमणी यांच्यासह सर्वच राजकीय पक्षाचे प्रमुख मान्यवर उपस्थित राहणार आहेत.सदर मोबाईल मेडिकल युनिटची किंमत सुमारे दीड कोटी इतकी असून या सोबत डॉक्टर, परिचारिका, लॅब टेक्निशियन, फार्मासिस्ट व दोन ड्रायव्हर अशी एकूण सहा जणांची नेमणूक झाली आहे. या दवाखान्यासोबत डॉक्टर व कर्मचाऱ्यांकरिता एक बोलेरो गाडी सोबत असणार आहे. हा फिरता दवाखाना तालुक्यातील दुर्गम व अतिदुर्गम अशा ५२ वाडीवस्ती व गावांना आरोग्य सेवा देणार असल्याची माहिती आमदार शहाजीबापू पाटील साहेब यांनी दिली.
0 Comments