सांगोला तालुक्यात स्व-गणना मोहिमेला वेग; १ ते १५ मे दरम्यान नागरिकांना सहभागाचे आवाहन तहसीलदार कु.बाळुताई भागवत

सांगोला तालुक्यात स्व-गणना मोहिमेला वेग; १ ते १५ मे दरम्यान

नागरिकांना सहभागाचे आवाहन तहसीलदार कु.बाळुताई भागवत

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला (प्रतिनिधी): केंद्र सरकारच्या Census of India अंतर्गत सुरू असलेल्या स्व-गणना (Self Enumeration)

 प्रक्रियेला सांगोला तालुक्यात चांगला प्रतिसाद मिळत असून, प्रशासनाच्या वतीने सर्व नागरिकांना ही प्रक्रिया तात्काळ पूर्ण करण्याचे आवाहन करण्यात आले आहे.

ही स्व-गणना प्रक्रिया दि. १ मे २०२६ पासून सुरू झाली असून १५ मे २०२६ पर्यंत उपलब्ध राहणार आहे. नागरिकांना https://se.census.gov.in⁠� या अधिकृत संकेतस्थळाद्वारे घरबसल्या ही प्रक्रिया सहज पूर्ण करता येत आहे.

प्रशासनाने स्पष्ट केले आहे की, अनेक वेळा कुटुंबातील प्रमुख व्यक्ती घरी नसताना इतर सदस्यांकडून अपूर्ण किंवा चुकीची माहिती दिली 

जाण्याची शक्यता असते. त्यामुळे कुटुंबाची अचूक माहिती नोंदवण्यासाठी स्वतः स्व-गणना करणे अत्यंत गरजेचे आहे.

स्व-गणना प्रक्रियेचे अनेक फायदे असून नागरिकांना फक्त १० मिनिटांत संपूर्ण माहिती भरता येते.

 यामुळे वेळेची बचत होते तसेच प्रगणकाची वाट पाहण्याची गरजही राहत नाही.

 याशिवाय, सरकारकडे अचूक व विश्वसनीय डेटा उपलब्ध होत असल्याने विविध शासकीय योजनांची अंमलबजावणी अधिक प्रभावीपणे करता येते.

या संदर्भात Office of the Registrar General & Census Commissioner, India यांनी दिलेल्या

 माहितीनुसार, नागरिकांनी भरलेली माहिती पूर्णपणे गोपनीय ठेवली जाते आणि सुरक्षित पद्धतीने संकलित केली जाते.

नागरिकांना आवाहन:

सांगोला तालुक्यातील सर्व नागरिकांनी दिलेल्या कालावधीत स्व-गणना प्रक्रिया पूर्ण करून शासनाच्या या महत्त्वाच्या उपक्रमाला सहकार्य करावे, असे आवाहन प्रशासनाच्या वतीने करण्यात आले आहे.