खळबळजनक..“शिव्यांचा राग अन् रक्तरंजित शेवट!” – माढ्यात बापाने झोपेतच मुलाचा घेतला जीव 


सोलापूर जिल्ह्यातील माढा तालुक्यातील रुई गावात एक अत्यंत धक्कादायक आणि मन सुन्न करणारी घटना समोर आली आहे. 

शेतीला पाणी देण्याच्या किरकोळ कारणावरून झालेल्या वादाने इतके भीषण वळण घेतले की, एका बापानेच आपल्या पोटच्या मुलाचा जीव घेतला.

मिळालेल्या माहितीनुसार, शेतीच्या कामावरून वडील आणि मुलगा यांच्यात जोरदार वाद झाला होता. 

या वादादरम्यान मुलाने वडिलांना शिवीगाळ केल्याचा राग आरोपीच्या मनात खोलवर बसला. हा संताप इतका वाढला की, त्याने टोकाचा निर्णय घेतला.

रात्री घरात झोपलेल्या अवस्थेत असलेल्या मुलावर आरोपी वडील राजेंद्र पतंगे यांनी लोखंडी गजाने जोरदार हल्ला केला. या भीषण हल्ल्यात मुलाचा जागीच मृत्यू झाला.

या घटनेने संपूर्ण परिसर हादरला असून, कुटुंबातील वाद किती भयानक वळण घेऊ शकतो, याचे हे विदारक उदाहरण ठरले आहे.

👉 मृत मुलाच्या आईने दिलेल्या फिर्यादीवरून टेभुर्णी पोलीस ठाण्यात आरोपी वडील राजेंद्र पतंगे यांच्याविरोधात खुनाचा गुन्हा दाखल करण्यात आला आहे.

👉 पोलिसांनी आरोपीला ताब्यात घेतले असून पुढील तपास सुरू आहे.

⚡ संपूर्ण माढा तालुका हादरला!

एका क्षणाच्या रागाने बाप-लेकाच्या नात्याचा शेवट इतक्या भीषण पद्धतीने होणे, ही घटना समाजाला हादरवून सोडणारी ठरली आहे.