सांगोला शहरात अपक्ष उमेदवार विश्वेश झपके यांची नेहरू चौकात आज जाहीर सभा!

सांगोला शहरात अपक्ष उमेदवार विश्वेश झपके यांची नेहरू चौकात आज जाहीर सभा!

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला (प्रतिनिधी): सांगोला नगरपालिका लोकनियुक्त नगराध्यक्षपदाच्या निवडणुकीत अपक्ष उमेदवार विश्वेश प्रबुद्धचंद्र झपके यांनी जोरदार मोर्चेबांधणी केली आहे. त्यांचे निवडणूक चिन्ह “एअर कंडीशनर” हे आता 

सांगोला शहरात घरोघरी पोहोचले असून, त्यांनी शहरातील मतदारांशी थेट संवाद साधण्यासाठी आज, सोमवार, दि. ०१ डिसेंबर २०२५ रोजी सायं. ७.०० वाजता नेहरू चौक, सांगोला येथे एका भव्य जाहीर सभेचे आयोजन केले आहे.

ॲक्शन प्लॅन तयार: ‘ब्लु प्रिंट’ द्वारे विकासाचे आश्वासन

विश्वेश झपके यांनी आपल्या प्रचारात ‘शहराच्या विकासाची ब्लु प्रिंट’  तयार असल्याची घोषणा केली आहे. ते सातत्याने मतदारांना सांगत आहेत की, केवळ आश्वासने न देता, एका निश्चित आणि प्रभावी कार्यक्रमाने

 सांगोला शहराचे गतवैभव परत आणणे आणि शहराचा शाश्वत विकास करणे हे त्यांचे मुख्य उद्दिष्ट आहे. त्यांच्या ब्लु प्रिंटमध्ये पाणीपुरवठा, स्वच्छता, पायाभूत सुविधा आणि रोजगार निर्मितीच्या योजनांचा समावेश असल्याचे सांगण्यात येत आहे.

उत्तम प्रतिसाद; दोन वेळा शहराचा दौरा पूर्ण

निवडणुकीच्या पार्श्वभूमीवर विश्वेश झपके यांनी प्रचारात आघाडी घेतली आहे. त्यांनी सांगोला शहरातील सर्व प्रभागांमध्ये तब्बल दोन वेळा दौरा पूर्ण केला आहे. या प्रत्येक भेटीत नागरिकांनी त्यांच्या विचारांचे आणि

 ‘ब्लु प्रिंट’ आधारित विकासाच्या संकल्पनेचे उत्तम प्रतिसाद देऊन स्वागत केले आहे. नगराध्यक्षपदाचे उमेदवार म्हणून त्यांच्या अपक्ष भूमिकेला स्थानिक नागरिक सकारात्मक प्रतिसाद देत असल्याचे चित्र आहे.

जनतेला भावनिक आवाहन: ‘गतवैभव परत मिळवा!’

प्रचारादरम्यान झपके यांनी नागरिकांना भावनिक आवाहन केले आहे. “सांगोला शहराचे जे वैभव होते, ते आज कमी होताना दिसत आहे. आता वेळ आली आहे, राजकीय पक्ष किंवा गटांना नव्हे, तर केवळ शहराच्या हिताला प्राधान्य देणाऱ्या उमेदवाराला निवडून देण्याची,” 

असे ते वारंवार सांगत आहेत. शाश्वत विकासासाठी आणि स्वच्छ, सुंदर सांगोला निर्माण करण्यासाठी आपल्याला 

‘एअर कंडीशनर’ या चिन्हावर मतदान करून निवडून देण्याचे आवाहन त्यांनी मतदारांना केले आहे.

नेहरू चौकातील आजच्या सभेमध्ये आपली विकासकामे आणि भविष्यातील योजना सविस्तरपणे मतदारांसमोर मांडणार आहेत. 

सांगोला शहरातील नागरिकांनी या जाहीर सभेला मोठ्या संख्येने उपस्थित राहावे, असे आवाहन त्यांच्या प्रचार समितीने केले आहे.