धक्कादायक! सावकारकीच्या त्रासास कंटाळून सफाई कामगाराची आत्महत्या; ७ जणांवर गुन्हा; सोलापूर जिल्ह्यात खळबळ

धक्कादायक! सावकारकीच्या त्रासास कंटाळून सफाई कामगाराची आत्महत्या; ७ जणांवर गुन्हा; सोलापूर जिल्ह्यात खळबळ

एक वर्षापूर्वी व्याजाने घेतलेले पैसे परत द्यावेत म्हणून सतत त्रास देऊन जातिवाचक भाषा वापरून धमकी दिली.

सावकारकीच्या त्रासास कंटाळून नगरपालिकेतील सफाई कामगार गणेश गोविंद बनसोडे (वय ४५) यांनी गळफास घेऊन आत्महत्या केली.

ही घटना दि. ३१ ऑक्टोबर रोजी गाडेगाव रोडवरील ग्रामीण रुग्णालयासमोरील एका कॅन्टीनमध्ये घडली.

पोलिस तपासात व्याजाने घेतलेले पैसे परत द्यावेत म्हणून मयताने सतत सावकारकीच्या त्रासास कंटाळून चार चिठ्ठया लिहून गळफास घेऊन आत्महत्या केल्याचे निष्पन्न झाले आहे.

याबाबत मयताची पत्नी वैशाली गणेश बनसोडे (वय ३५, रा. म्हाडा कॉलनी, गडेगाव रोड, बार्शी) यांनी बार्शी शहर पोलिसात फिर्याद दिली आहे.

याप्रकरणी नीलेश खुडे (रा. लहुजी चौक), प्रशांत माने (रा. बालाजी कॉलनी, बार्शी), विशाल गुगळे (रा. बार्शी), अतुल कांबळे (रा. मंगळवार पेठ झोपडपट्टी),

संगीता पवार (रा. बार्शी), सचिन सोनवणे व संतोष कळमकर (रा. बार्शी) या सात जणांविरुद्ध गुन्हा दाखल करण्यात आला.

यातील गणेश बनसोडे हे बार्शी नगरपालिकेत सफाई कामगार म्हणून काम करत होते.

 त्यांनी एक वर्षापूर्वी वेळेवर पगार होत नसल्याने त्याने व्याजाने पैसे घेतले होते. त्यांचे पैसे पगारातून जमेल तसे परत फेडत होते,

पण गेल्या ७ महिन्यांपासून गणेश यास व्याजाचे पैसे देण्यास तगादा लावला होता. पण नाही दिले तर खोटे गुन्हे दाखल करण्याची धमकी देत होते. 

त्यामुळे तणावात होते. पण या त्रासास कंटाळून त्यांनी आत्महत्या केल्याचे फिर्यादीत म्हटले आहे.