खळबळजनक..मम्मी मी विष प्यायलो आहे, लोकेशन पाठवले आहे, माझा मृतदेह घेऊन जा

खळबळजनक..मम्मी मी विष प्यायलो आहे, लोकेशन पाठवले आहे, माझा मृतदेह घेऊन जा

मम्मी, मी माझा मोबाईल फोडेन. कोणताही पुरावा मिळणार नाही. मला मरायचे आहे. मी विष प्राशन केले आहे. मी लोकेशन पाठवले आहे, माझा मृतदेह घेऊन जा.. 

असा काळीज पिळवटून टाकणारा संदेश पाठवत एका तरुणाने आत्महत्या केल्याची धक्कादायक घटना घडली आहे. संजयकुमार राजपूत (वय 18) असे या आत्महत्या केलेल्या तरुणाचे नाव आहे. 

आयुष्य संपवण्यापूर्वी या तरुणाने कुटुंबियांना ऑडियो तसेच व्हिडिओ रेकॉर्ड करत संदेश पाठवल्याचेही समोर आले आहे. ही घटना पिंपरी चिंचवडमध्ये घडली आहे.

संजयकुमार हा पिंपरी-चिंचवडच्या काळेवाडी येथून देहूरोडमध्ये कन्स्ट्रक्शन इमारतीवर कामाला होता. 17 तारखेपासून तो बेपत्ता होता. त्याबाबत देहूरोड पोलीस स्टेशनला तो मिसिंग

 असल्याची तक्रार दाखल करण्यात आली होती. देहूरोड पोलीस ठाण्याचे वरिष्ठ पोलीस निरीक्षक विक्रम बनसोडे यांच्या पथकाने तांत्रिक विश्लेषणाच्या आधारे या

 बेपत्ता तरुणाचा शोध लावला. मात्र पोलिसांच्या हाती त्याचा मृतदेह लागला. या मृतदेहा शेजारी पोलिसांना एक विषाची बाटलीही सापडली.

धक्कादायक बाब म्हणजे संजयकुमारने टोकाचे पाऊल उचलण्यापूर्वी आपल्या आईला ऑडियो तसेच व्हिडिओ रेकॉर्डिंग पाठवल्याचेही समोर आले आहे.

 ज्यामध्ये त्याने आयुष्य संपवत असून मला माझ्या बहिणींची काळजी वाटत असल्याचे म्हटले आहे. माझ्या आई वडिलांबद्दल मला आदर आहे,

 तर माझ्या दोन लहान बहिणींची मला खूप काळजी वाटते, त्यांचा सांभाळ नीट करावा, त्यानी शिकून मोठं व्हावे हीच माझी इच्छा, असे संजयकुमार म्हणाला.

दरम्यान, त्याने आत्महत्या का केली? याबाबतची माहिती अद्याप समोर आलेली नाही. पोलीस याचा अधिक तपास करत आहेत.