धक्कादायक ! मुलीसोबत आईची गळफास लावून आत्महत्या; आधी मुलीला संपवलं नंतर वैद्यकीय शिक्षण घेणाऱ्या आईने घेतला गळफास; मंगळवेढा तालुक्यातील घटना..

धक्कादायक ! मुलीसोबत आईची गळफास

लावून आत्महत्या; आधी मुलीला संपवलं

नंतर वैद्यकीय शिक्षण घेणाऱ्या आईने घेतला गळफास; मंगळवेढा तालुक्यातील घटना..

मंगळवेढा:- मंगळवेढा तालुक्यात एक धक्कादायक घटना घडली आहे. येथे एक आई आणि मुलीने वडिलांच्या घरात ओढणीने गळफास घेऊन आत्महत्या केलीय.

स्नेहा श्रीधर तेली (वय 25) असं आईचं नाव आहे आहे तर मैथली श्रीधर तेली (वय 4) असे अल्पवयीन मुलीचे नाव आहे.

ही घटना काल दि.13 मे रोजी सकाळी 8 च्या सुमारास डोणज या गावात घडली आहे.

मंगळवेढा तालुक्यातील डोणज या गावात वडील रेवाप्पा निंगाप्पा देवपुरे यांचे राहते घरात या मायलेकी राहत होत्या.

दोघींनी आत्महत्या का केली याचे कारण अद्याप अस्पष्ट आहे. मंगळवेढा पोलिसांनी या मायलेकींच्या आत्महत्येप्रकरणी आकस्मिक मृत्यूची नोंद केली आहे. पोलीस पुढील तपास करत आहेत.

या घटनेची मंगळवेढा पोलीस ठाण्यात खबर मयत विवाहित महिलेचे चुलते चन्नाप्पा निंगप्पा देवपुरे (वय 42) यांनी दिली आहे.

घटनास्थळी पोलीस उपअधीक्षक विक्रांत गायकवाड, पोलीस निरीक्षक दत्तात्रय बोरीगिड्डे, पोलीस उप निरीक्षक नागेश बनकर आदी अधिकाऱ्यांनी भेट दिली आहे.

दरम्यान, मयत स्नेहा तेली ही मंगळवेढा येथील एका हॉस्पिटलमध्ये नर्सिंगचा अभ्यास करीत होती. तिला सांगली जिल्ह्यात लग्न करून दिले होते. कौटुंबिक वादामुळे ती तिथे न राहता डोनज येथे राहत होती.

सकाळी घरातील सर्व लोक हे कामानिमित्त बाहेर गेले असता स्नेहा तेली हिने आधी मुलगी मैथली हिला गळफास लावला व नंतर स्वतःचा गळफास घेत आत्महत्या केली असल्याचे पोलीस सूत्रांकडून सांगण्यात आले आहे.