ब्रेकिंग न्यूज..मुदत संपून वर्ष झालं निवडणुका होईना ; 5 ग्रामपंचायतीचा कारभार प्रशासकांकडेच तालुक्यातील अजनाळे व बुरुंगेवाडी ग्रामपंचायत रिक्त सरपंच पदाच्या निवडणुकीचे बिगुल वाजले

ब्रेकिंग न्यूज..मुदत संपून वर्ष झालं निवडणुका होईना ; 5 ग्रामपंचायतीचा कारभार प्रशासकांकडेच

तालुक्यातील अजनाळे व बुरुंगेवाडी ग्रामपंचायत रिक्त सरपंच पदाच्या निवडणुकीचे बिगुल वाजले

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला :- लोकसभा आणि विधानसभा निवडणूक पार पडल्यानंतर आता राजकीय पक्षांसह कार्यकर्त्यांना जिल्हा परिषद व पंचायत समितीच्या तसेच मुदत संपलेल्या

 ग्रामपंचायत निवडणुकांचे वेध लागले आहे. जिल्हा परिषद व पंचायत समितीची च्या निवडणुकांचे कधीही बिगुल वाजण्याची शक्यता आहे असे बोलले जात असले

 तरी, तालुक्यातील 4 ग्रामपंचायतींची मुदत जानेवारी 2024 तर 1 ग्रामपंचायतींची मुदत मे 2024 मध्ये संपुष्टात आली आहे. तरीही याबाबत निवडणूक प्रोग्रॅम आला नसल्याची माहिती प्रशासनाकडून सांगण्यात आली आहे. 

आगामी जिल्हा परिषद व पंचायत समिती निवडणुकांसाठी प्रशासकीय तयारी वेगाने सुरू झाली असून, यामध्येच मुदत संपलेल्या ग्रामपंचायतीच्या निवडणुकीसाठी प्रशासनाकडून हालचाली सुरू असल्याची माहिती आहे.

 तसेच तालुक्यातील अजनाळे व बुरुंगेवाडी या दोन ग्रामपंचायतीच्या रिक्त जागेवरील सरपंच पदाच्या निवडणुकीसाठी तारखा जाहीर करण्यात आले आहेत. सदर निवडणुकांसाठी अध्यासीय अधिकारी म्हणून निवडी करण्यात आले आहेत.

 अजनाळे ग्रामपंचायत सरपंच पदासाठी सर्वसाधारण महिला असे आरक्षण आहे तर बुरुंगेवाडी ग्रामपंचायतच्या सरपंच पदासाठी नागरिकांचा मागास प्रवर्ग महिला असे आरक्षण ठेवण्यात आले आहे. 

दोन्ही ग्रामपंचायतीच्या सरपंच पदाच्या निवडी 22 जानेवारी पूर्वी घेण्याच्या आदेश महसूल प्रशासन अधिकारी तथा तहसीलदार संतोष कणसे यांच्याकडून संबंधितांना देण्यात आले आहेत. 

यासह तालुक्यातील मुदत संपलेल्या 5 ग्रामपंचायतीमध्ये 20 जानेवारी 2024 रोजी सोनलवाडी, 4 जानेवारी 2024 रोजी सोनंद, 20 जानेवारी 2024 गळवेवाडी तर 31 मे 2024 रोजी राजापूर ग्रामपंचायत निवडणूकीची मुदत संपली आहे. 

सांगोला शहरातील नगरपालिकेची मुदत संपून बरेच वर्ष झाली. सध्या नगरपालिकेचा कारभार प्रशासक म्हणून मुख्याधिकारी यांच्याकडे आहे. जिल्हा परिषद व पंचायत समितीच्या मुदती संपून देखील बराच कालावधी झाला 

असला तरी अद्यापही निवडणुका झाल्या नसल्याने त्याठिकाणी ही पद रिक्त असून यामुळे शहर आणि तालुक्याच्या विकासाला गती मिळत नाही.

 यासारखेच ग्रामपंचायतीच्या निवडणुकीची मुदत संपून एक वर्ष झाले तरी अद्यापही निवडणुका होत नसल्याने गाव गाड्याच्या विकासाला चालना मिळत नाही. 

फेब्रुवारी 2026 मध्ये सांगोला तालुक्यातील 45 ग्रामपंचायतच्या निवडणुकीची मुदत संपणार आहे. त्या अनुषंगाने प्रशासन नवीन मतदार नोंदणी, 

नावात बदल पत्ता बदल यासारख्या गोष्टी उरकून घेऊन गाव पातळीवर आराखडा तयार करण्याच्या दृष्टीने प्रयत्नशील आहे.

निवडणूक विभाग सांगोला