खळबळजनक... पत्रकाराला मारहाण केल्या प्रकरणी तालुक्यात पहिलाच गुन्हा सांगोला पोलिसात दाखल

खळबळजनक... पत्रकाराला मारहाण केल्या प्रकरणी तालुक्यात पहिलाच गुन्हा सांगोला पोलिसात दाखल

पत्रकार दिपक धोकटे यांना मारहाण करणार्‍या पाच जणांविरूध्द गुन्हा दाखल दोघांना अटक, तिघांसह फूस लावणार्‍याला अटक करण्याची मागणी 

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला/प्रतिनिधी : तु पत्रकार आहे म्हणून माझ्या मुलीला पळवून नेण्यास मदत केल्याचा रोष मनात धरून चिडून मुलीच्या वडिलांसह नातेवाईकांनी मिळून पुढारी पत्रकार यास शिवीगाळ दमदाटी करीत काठी, एसटीपी पाईपने डोक्यात, 

पाठीवर, पायावर जबर मारहाण करून जख्मीं केले. त्यांनी एवढ्यावरच न थांबता त्यास बळजबरीने दुचाकीवर बसवून अपहरण केले व तू जर आमची तक्रार पोलीस स्टेशनला केलीच

 तर तुला जीवंत सोडणार नाही अशी धमकी देवून सोडून दिले. ही घटना रविवार पंधरा रोजी पहाटे 5:30 च्या सुमारास महूद ता. सांगोला येथे घडली. या प्रकरणी सांगेाला पोलीसात पाच जणांविरूध्द गुन्हा दाखल झाला आहे.

 सांगोला तालुक्यातील पत्रकाराला मारहाण केल्याचा महाराष्ट्र प्रसार माध्यम व्यक्ती आणि प्रसार माध्यम संस्था हिंसा आणि मालमत्तेचे नुकसान अधिनियम 2017 (3/4) हा पहिला गुन्हा सांगोला पोलीस स्टेशनला दाखल झाला आहे. पाच पैकी दोन आरोपींना सांगोला पोलिसांनी तात्काळ अटक केली असून 

तीन आरोपींना तात्काळ अटक केली जाईल असे आश्‍वासन उपविभागीय पोलीस अधिकारी विक्रांत गायकवाड, पो.नि. भीमराव खणदाळे, स.पो.नि. सचिन जगताप, पोलीस उपनिरीक्षक श्रीकांत जाधव यांनी दिले. 

याबाबत, दीपक चंद्रकांत धोकटे यांनी फिर्याद दिली असून, पोलिसांनी बापू येडगे, हरिश्‍चंद्र येडगे, प्रकाश कोळेकर सह दोन अनोळखी इसम सर्वजण रा महूद ता सांगोला यांच्याविरुध्द महाराष्ट्र प्रसार माध्यम

 व्यक्ती आणि प्रसार माध्यम संस्था (दिवसा आणि मालमत्तेचे नुकसान प्रतिबंधक )अधिनियम 2017 (3/4), भा,न्या संहिता कलम 352, 351(2),351 (3), 118(1), 119(1), 115(2), 140 (3), 189(2), 191(3), 190 आदी कलमान्वये गुन्हा दाखल केला.

याबाबत , फिर्यादी पत्रकार दीपक धोकटे हे काल रविवारी पहाटे 5:30च्या सुमारास घरातून अंघोळ करून गावातील महादेव मंदिर येथे नेहमीप्रमाणे दर्शनासाठी निघाले होते

 त्यावेळी घराच्या समोर गावातील बापू येडगे, हरिचंद्र येडगे, प्रकाश कोळेकरसह इतर दोघांनी दुचाकीवरून येवून त्यांच्यापैकी बापू येडगे यांनी तू पत्रकार आहे म्हणून माझी मुलगी पळून येण्यास मदत केली आहे आता माझी मुलगी कुठे आहे

 हे तुला माहिती आहे असे म्हणाल्यावर फिर्यादी त्यांना मला तुमच्या मुलीचा पत्ता माहिती नाही असे समजून सांगत होते त्यावेळी त्या लोकांनी फिर्यादीला काठीने तसेच एसटीपी पाईपने पाठीवर, डोक्यात, 

पायावर मारहाण करु लागल्याने फिर्यादीच्या ओरडण्याचा आवाज ऐकून पत्नी बाहेर आली व थोड्यावेळाने आई-वडीलांनी त्या ठिकाणी येवून त्यांच्या तावडीतून सोडवण्याचा प्रयत्न केला असता

 त्यांनाही धक्काबुक्की केली व त्यांच्याकडील एम एच -45-6385 या दुचाकीवर बळजबरीने बसवून घेऊन जाऊ लागली त्यावेळी फिर्यादी त्यांना विरोध करीत होता परंतु त्यांनी हाताने मारहाण करीत

 महूद येथून गार्डी फाटा ,खिलारवाडी फाटा वरून पुढे सुपली मार्गे सुपली गावाच्या शिवारात कॅनाल वरती आणून मारहाण करू लागले त्यानंतर त्यांना कोणाचातरी फोन आल्यानंतर त्यांनी परत त्यास गावी महूदला आणून सोडले 

व फिर्यादीच्या गळ्यातील सोन्याची दीड तोळ्याची चेन व रुद्राक्षाची माळ काढून घेतल्याचे फिर्यादीत म्हटले आहे. याप्रकरणी पाच जणांविरूध्द सांगोला पोलिसांत गुन्हा दाखल झाला असून दोघांना अटक केली आहे.

 तिघांना तात्काळ अटक केली जाईल असे आश्‍वासन उपविभागीय पोलीस अधिकारी विक्रांत गायकवाड, पो.नि. भीमराव खणदाळे, स.पो.नि. सचिन जगताप, पोलीस उपनिरीक्षक श्रीकांत जाधव यांनी दिले. 

गुन्हा घडल्याची माहिती पोलिसांना कळताच पोलिसांनी तात्काळ पोलीस पथक रवाना करून घटनेची माहिती घेऊन तात्काळ फिर्यादीला पोलिस स्टेशनला आणण्यास मदत केली व गुन्हा दाखल केला. 

या गुन्ह्याचा तपास मंगळवेढा विभागाचे उपविभागीय पोलीस अधिकारी विक्रांत गायकवाड हे करीत आहेत. या मोकाट आरोपींचा शोध घेऊन त्यांना तात्काळ अटक करावी

 व या गुन्ह्यातील फूस लावणारा प्रमुख आरोपी कोण आहे, त्याला अटक करावी अशी मागणी पत्रकारांनी केली आहे.