महाराष्ट्र हादरला ! सासरी बोलावले अन् शॉक देऊन पतीला संपवले

महाराष्ट्र हादरला ! सासरी बोलावले अन् शॉक देऊन पतीला संपवले

राज्यातील विविध भागात अलीकडे गुन्हेगारीचे प्रमाण मोठ्या प्रमाणात वाढत आहे. दरम्यान, सिंधुदुर्ग जिल्ह्यातून धक्कादायक बातमी समोर येत आहे.

 सासरच्या मंडळींनी विजेचा शॉक देऊन जावयाची हत्या केल्याची घटना सिंधुदुर्ग जिल्ह्यात घडली आहे. 

सोमवारी सकाळी घडलेल्या या घटनेमुळे खळबळ उडाली आहे. याप्रकरणी पोलिसांनी आरोपी पत्नीसह तिघांवर गुन्हा दाखल केला आहे. वसंत उर्फ सागर प्रभाकर भगे (वय ३२) असे मृत तरुणाचे नाव आहे. 

याबाबत मिळालेल्या माहितीनुसार, वसंत हा कुडाळ तालुक्यातील माणगाव तळेवाडी येथील रहिवासी होता. काल त्याचा मृतदेह सासरवाडी येथील एका नर्सरीत आढळून आल्याची धक्कदायक बाब उघड झाली.

 आपल्या भावाची त्याच्या सासरच्या मंडळींनी विजेचा शॉक देऊन हत्या केली, असा आरोप मृत वसंत याच्या भावाने केला आहे. यासंदर्भात त्याने पोलिस ठाण्यात तक्रार दाखल केली आहे. वेंगुर्ला पोलिसात दिलेल्या तक्रारीनुसार, वसंत याला

 त्याची पत्नी नुतन शंकर गावडे हिने सोमवारी रात्रीच्या सुमारास आडेली सातेरी गाळू येथे राहत्या घराजवळ बोलावून घेतले. संशयित आरोपींनी वसंतला जीवे मारण्यासाठी त्यांच्या घराच्या कंपाऊंड भोवती विद्युत तारांचे जाळे तयार करून ठेवले.

 वसंत हा पत्नीच्या बोलवण्यावरून सासुरवाडीला गेला असता त्याचा स्पर्श या विद्युत तारांना झाला. यामुळे शॉक लागून वसंतचा मृत्यू झाला. दरम्यान, वसंत आणि त्याची पत्नी नुतन या दोघांमध्ये नेहमी वाद होत असत. याच वादातून ही हत्या केली असावी,

 असा संशय आहे. याप्रकरणी वेंगुर्ला पोलिसांनी वसंत याची पत्नी नूतन, सासरे शंकर गावडे आणि सासू पार्वती गावडे यांच्यावर खुनाचा गुन्हा दाखल केला असून तिघांनाही चौकशीसाठी ताब्यात घेण्यात आले आहे.