खळबळजनक घटना.. निरागस पाच वर्षीच्या चिमुकल्यास गळफास...

खळबळजनक घटना.. निरागस पाच वर्षीच्या चिमुकल्यास गळफास...

राज्यात धक्कादायक घटना घडली आहे. आईनेच पोटच्या पाच वर्षीच्या मुलाला झोपेत गळफास देऊन स्वत: घरातच पत्राच्या लोखंडी अँगलला गळफास लावून आत्महत्या केल्याची घटना घडली. 

जालना जिल्ह्यातील जाफराबाद तालुक्यातील आरदखेडा गावात ही घटना उघडकीस आली. गंगासागर महादू उगले (28) व अंश महादू उगले (5) अशी मृतांची नावे आहेत.

 आरदखेडा येथील दिलीप उगले यांचा मुलगा महादू उगले यांचा विवाह 2013 मध्ये भोकरदन तालुक्यातील सिपोरा बाजार येथील महादू कुदर यांची कन्या गंगासागर यांच्याशी झाला होता. 

महादु छत्रपती संभाजीनगर येथे एका कंपनीमध्ये नोकरीला असल्याने दोघे पती-पत्नी संभाजीनगरला राहत होते. 

संसार सुरळीतपणे सुरू असतानाच गंगासागर यांना मानसिक आजार जडल्याने तिच्यावर छत्रपती संभाजीनगर येथील एका खासगी रुग्णालयात उपचार सुरू होते. 

परंतु प्रकृतीत कुठलीच सुधारणा होत नसल्याने दोन महिन्यांपूर्वी पती महादू यांनी मुलगा अंश व पत्नी गंगासागर यांना आरदखेडा येथे

 आईवडिलांकडे आणून सोडले होते. गावाकडे असताना गंगासागर हिच्यावर खासगांव, विदर्भातील सैलानी येथे उपचार करण्यात आले. परंतु याचा कुठलाच उपयोग झाला नाही.

 घटनेच्या दिवशी गंगासागर, मुलगा अंश तसेच सासू-सासरे घराबाहेर अंगणात झोपलेले होते. तेव्हा गंगासागर हिने घरातील पत्राच्या लोखंडी अँगलला दोरीच्या सहाय्याने मुलगा अंशला गळफास दिला.