ब्रेकिंग न्यूज ! मंगळवेढ्यात पहिल्याच पावसात झाडे पडली प्रचंड नुकसान; अनेक ठिकाणी वाहतूक विस्कळित, गटारीचे पाणी रस्त्यावर; किल्ल्याचा बुरूजही ढासळला

ब्रेकिंग न्यूज ! मंगळवेढ्यात पहिल्याच पावसात झाडे पडली प्रचंड नुकसान;

अनेक ठिकाणी वाहतूक विस्कळित, गटारीचे पाणी रस्त्यावर; किल्ल्याचा बुरूजही ढासळला

मंगळवेढा शहरात काल सायंकाळी वादळासह अवकाळी पावसाने लावलेल्या हजेरीने प्रमुख चौकातील रस्त्यावर झाडे कोसळून वाहतूक विस्कळीत, तर वादळ व पावसाने छोट्या व्यवसायिकाचे देखील नुकसान झाले.

प्रांत कार्यालय व नगरपालिका या कार्यालयासमोर पावसाचे पाणी तुंबल्यामुळे नागरिकांना दुर्गंधीचा सामना करावा लागला.

या परीसरात तालुक्यातील जनतेच्या आरोग्याची काळजी घेणाऱ्या तालुका आरोग्य अधिकारी यांचे कार्यालय, नगरपालिका व उपविभागीय कार्यालय 

असून या ठिकाणी शहरातील नागरिकांची सतत येत असते. परंतु, शासकीय कार्यालय बंद होण्यापूर्वीच पावसाने हजेरी लावली.

त्यामुळे कार्यालयीन कामकाज संपल्यानंतर परत जाणाऱ्या नागरिकांना या दुर्गंधीचा सामना करावा लागला. 

वादळी पावसाने जुन्या ऐतिहासिक किल्ल्याच्या बुर्जाचे दगड रस्त्यावर पडले, चोखामेळी चौकात भर रस्त्यावर झाड कोसळून वाहतूक विस्कळीत झाली.

रतनचंद शहा बँकेसमोर लावलेल्या दुचाकीवर झाड कोसळले. सांगोला नाका येथील एका पान टपरी व्यवसायिकाचे पान टपरी पलटी झाल्याने आतील मालाचे पावसात नुकसान झाले.

शनिवार पेठ, गोविंद बुवा मंदिर, सनगर गल्ली या ठिकाणी झाडे कोसळली. नगरपालिका परीसरात असलेल्या गटारीत पावसाचे पाणी तुंबल्यामुळे गटारीत असलेले

 दूषित पाणी व घाण देखील या रस्त्यावर आली. साचलेल्या पाण्यातून दुचाकस्वारांना व सायकलस्वारांना आपली वाट शोधावी लागली.

याच परिसरात लहान मुलांसाठी असलेल्या गणेश बागेचा परिसर असल्यामुळे तुंबलेल्या पाण्याने नागरिकांच्या आरोग्याचा प्रश्न निर्माण झाला.

पावसाळ्याच्या तोंडावर पहिल्याच पावसात रस्त्यावर पाणी साचल्याने प्रशासनाने पावसाळ्यातील पाण्याची विल्हेवाट लावण्यासाठी केलेले नियोजन समोर आले.

त्यामुळे पावसाळा सुरू होण्यापूर्वी नगरपालिकेने पावसात रस्त्यावर साचणाऱ्या पाण्याचे योग्य नियोजन करणे गरजेचे असल्याची प्रतिक्रिया नागरिकांतून व्यक्त होऊ लागली.