सांगोला - एखतपूर येथे मयत इसमाचे जागेवर तोतया इसम उभा करून बनावट दस्त करणारे टोळीला अटक करण्यास सांगोला पोलीसांना यश

 सांगोला - एखतपूर येथे  मयत इसमाचे जागेवर तोतया इसम

उभा करून बनावट दस्त करणारे टोळीला अटक करण्यास सांगोला पोलीसांना यश

सांगोला तालुक्यातील मौजे एखतपूर, ता. सांगोला, जि. सोलापूर येथील जमीन गट नं. ३५३ मथील मुळ मालक मयत इसम नामे बाबुराव भोजु भोसले हा सन २००० साली मयत झालेला असताना देखील 

त्याचे ठिकाणी तोतया इसमास उभे करून सदरचा बनावट खरेदीवस्त, बनावट आधारकार्ड तयार करुन दुय्यम निबंधक कार्यालयात दि.०५/०७/२०२३ रोजी नोंदणी केलेला 

असल्याने त्याबाबत शिवाजी भिमराव चव्हाण, दुय्यम निबंधक श्रेणी. १ सांगोला यांनी सांगोला पोलीस ठाणेस गु.२.नं. ११६२/२०२३ भा. द. वि. सं.क. ४२०, ४६७, ४६८, ४६९, ४७१, ३४ नोंदणी 

अधिनियम कलम ८२ प्रमाणे गुन्हा दाखल केलेला होता. सदर गुन्हयाचा तपास करीत असताना लिहून घेणार समाधान सुखदेव माने रा. शेटफळ, ता. पंढरपूर व साक्षीदार रामेश्वर सयाप्पा माने रा. शेटफळ, ता. पंढरपूर, 

समाधान तुकाराम दुधाळ रा. सावे, ता. सांगोला, जि. सोलापूर हे प्रथमदर्शनी आरोपी असल्याचे निदर्शनास आल्याने त्यांना अटक करुन अटक मुदतीत त्यांचेकडे सखोल तपास केला असता सदरचा बनावट

 दस्त हा आरोपी नामे १. समाधान सुखदेव माने रा. शेटफळ, ता. पंढरपूर व २. रामेश्वर सयाप्पा माने रा. शेटफळ, ता. पंढरपूर, ३. समाधान तुकाराम दुधाळ रा. सावे, ता. सांगोला, 

जि. सोलापूर, तोतया इसम नामे ४. बंडु संभाजी पवार रा. वाटंबरे, ता. सांगोला, ५. किसन खंडागळे रा. चिंचोली रोड, सांगोला ता, सांगोला, ६. शहाजी विठठल भोसले रा. महुद रोड, सांगोला 

ता. सांगोला, ७. बाळासाहेब शिवलिंग घोंगडे रा. विद्यानगर, सांगोला ता. सांगोला, ८. यासीन अल्लाउददीन इनामदार रा. चिंचोली रोड, सांगोला ता. सांगोला, जि. सोलापूर

 या टोळीने संगणमत करुन बनावट आधारकार्ड बनवून मयताचे ठिकाणी तोतया इसम बंडु संभाजी पवार रा. वाटंबरे, ता. सांगोला यास उभे करून बनावट दस्त केलेला आहे.

 यातील चार आरोपींना सध्या अटक केलेली असून इतर आरोपी फरार आहेत. त्यांना लवकरच शोधून अटक करण्यात येईल व अजुनही सदर गुन्हयात आरोपी वाढण्याची शक्यता आहे असे पो. नि. अनंत कुलकर्णी, सांगोला पोलीस ठाणे यांनी सांगीतले आहे.

सदरची कामगिरी श्री. शिरीष सरदेशपांडे साहेब, पोलीस अधीक्षक सोलापूर ग्रामीण, श्री. प्रितमकुमार यावलकर, अप्पर पोलीस अधीक्षक सोलापूर ग्रामीण, 

श्री. विक्रांत गायकवाड, उपविभागीय पोलीस अधिकारी मंगळवेढा विभाग मंगळवेढा, पोनि श्री अनंत कुलकर्णी यांच्या मार्गदर्शनाखाली 

सपोनि / हेमंतकुमार काटकर, पोना/१४२५ बाबासाहेब पाटील, पोकों/३३५ लक्ष्मण वाघमोडे, पोकॉ/१८८९ वसीम शेख तसेच सायबर पोलीस ठाणेकडील पोहेकॉ/०५ युसूफ पठाण यांनी मदत केली आहे.