डॉ.गणपतराव देशमुख महाविद्यालयामध्ये अण्णाभाऊ साठे जयंती साजरी.

 डॉ.गणपतराव देशमुख महाविद्यालयामध्ये

अण्णाभाऊ साठे जयंती साजरी.

(शब्दरेखा एक्सप्रेस न्यूज नेटवर्क सांगोला)

डॉ. गणपतराव देशमुख महाविद्यालय सांगोला ,येथे "लोकशाहीर अण्णाभाऊ साठे" यांची जयंती व "लोकमान्य टिळक" पुण्यतिथी साजरी करण्यात आली. कार्यक्रमाच्या सुरुवातीला महाविद्यालयाचे प्राचार्य डॉ .सिकंदर मुलानी व प्रमुख मान्यवर यांच्या हस्ते अण्णाभाऊ साठे व लोकमान्य टिळक यांच्या प्रतिमेला पुष्पहार अर्पण करून विनम्र अभिवादन करण्यात आले.

                  महाविद्यालयाचे प्राचार्य आपले मनोगत व्यक्त करताना स्पष्ट करतात की,  लोकशाहीर अण्णाभाऊ साठे हे वंचिताच्या हक्कासाठी लढणारे एक लोकनायक व क्रांतीकारी पुरुष होते. त्यांचे विचार आजही समाजासाठी प्रेरणादायी व मार्गदर्शक आहेत. अण्णाभाऊ साठे यांच्या साहित्यातून वंचित उपेक्षित समाजाच्या तळागाळातील जाती- जमाती व दलित माणसांचे जीवन मांडले

 त्यांच्या साहित्याला खऱ्या अर्थाने वास्तवतेची धार आहे. त्यांचे साहित्य अन्यायाविरुद्ध बंडखोरी करणारे व विद्रोही स्वरूपाची आहे. अण्णाभाऊंच्या साहित्याला वैचारिकतेचे अधिष्ठान असून परंपरेच्या विरोधात परिवर्तनाची आणि सत्यशोधकाची वैचारिक धार दिसून येते. असे विचार त्यांनी मांडले.

        कार्यक्रमाचे सूत्रसंचालन नियोजित व अनियोजित समितीचे चेअरमन दीपक रिटे यांनी केले व आभार प्रा. डॉ. तानाजी फुलारी यांनी मानले. कार्यक्रमाला उपस्थित श्री. दशरथ रणदिवे, श्री. धनंजय गायकवाड, राकेश खडतरे, श्री सतीश आगवणे, श्री. बाळासाहेब कोळी, शिक्षक शिक्षकेतर कर्मचारी मोठ्या संख्येने उपस्थित होते.