सत्ताधारी आणि विरोधी नेते मंडळींनी फक्त निवेदन देऊन शेतकर्‍यांची दिशाभूल करू नये ः अ‍ॅड.सचिन देशमुख
दूध दरवाढीसाठी निवेदन देण्यासाठी नेतेमंडळींची चढाओढ सत्ताधारी आणि विरोधी नेते मंडळींनी फक्त निवेदन देऊन शेतकर्‍यांची दिशाभूल करू नये ः अ‍ॅड.सचिन देशमुख
सांगोला/प्रतिनिधी( शब्दरेखा एक्सप्रेस न्यूज नेटवर्क)–
सांगोला तालुक्यातील शेतकर्‍यांच्या दुधाला दरवाढ मिळावी यासाठी काही नेतेमंडळी फक्त शेतकर्‍यांची दिशाभूल करण्यासाठी तालुकास्तरावरील अधिकार्‍यांना फक्त निवेदन देतात शेतकर्‍यांचे डोळ्यातील खरेच अश्रू पुसायचे असतील
व शेतकर्‍यांच्या दुधाच्या प्रश्‍नावर आवाज उठवायचा असेल आणी त्यांना न्याय द्यायचा असेल तर मुंबईच्या आझाद मैदानावर महाराष्ट्रातलं मोठ आंदोलन करून दाखवावे असे मत माजी जिल्हा परिषद सदस्य सचिन देशमुख यांनी व्यक्त केले आहे
सांगोला तालुक्यामध्ये सध्या पाऊस नसल्यामुळे दुष्काळी परिस्थिती निर्माण झाली आहे. शेतकर्‍यांच्या जनावरांना चारा नाही शेतकर्‍याशेतकर्‍यांच्या जनावरांना चारा नाही शेतकर्‍यांच्या दुधाला दर नाही. सांगोला तालुक्याचे लोकप्रतिनिधी सह विरोधी पक्षाचे नेते यावर आवाज उठवत नाहीत.
सांगोला तालुक्यामध्ये सध्या शेतकर्‍यांनी मोठ्या प्रमाणावर जर्सी गायी पाळल्या आहेत. शेतीला पूरक व्यवसाय म्हणून दुधाचा धंदा शेतकर्‍यांनी अवलंबला आहे. सध्या दुधाला दरवाढ नसल्यामुळे शेतकरी अतिशय आर्थिक अडचणीत आला आहे.
त्यामुळे शेतकर्‍यांना जनावरे सांभाळणे अतिशय कठीण झाले आहे. सध्या सत्ताधारी व विरोधी पक्षाचे नेते फक्त शेतकर्‍यांची दिशाभूल करीत आहेत.
सत्ताधारी पक्षाचे नेते व विरोधी पक्षाचे नेते फक्त निवेदने देतात निवेदने देऊन दुधाची दर वाढ होणार नाही. त्यासाठी राज्य पातळीवर मंत्रालयासमोर किंवा आझाद मैदानावर मोठे आंदोलन घेऊन शेतकर्‍यांच्या प्रश्‍नावर आवाज उठवला पाहिजे.
सांगोला तहसील कार्यालयात सांगोला तालुक्यातील शेतकर्‍यांच्या प्रश्‍नांची निवेदने देणे म्हणजे शेतकर्‍यांची दिशाभूल आहे.
शेतकर्‍यांच्या प्रश्‍नावर राज्य पातळीवर मोठे आंदोलन घेऊन शासनाला जाग आणून शेतकर्‍यांच्या दुर दुधाला दरवाढ मिळाली तरच आंदोलनाचा फायदा होईल असे मत माजी जिल्हा परिषद सदस्य सचिन देशमुख यांनी व्यक्त केले आहे.
0 Comments